HEBRU 2:6 - Cho Bible Common Language 2016

⁶ Cacim theing amshah ung: “Chang cu a i ah kyasei, nang Khanpughi naw na shüm lä ang; Chang cu a i ah kyasei na teng khen lä ang?

HEBRU 2:6 Referans Kwoze

SAM 144:3

Bawipa, chang cu a i ah kiasei nang naw na geing nak ang; chang cu a i ah mäih ah kyasei nang naw na ngaih nak ang.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

JOB 25:6

A cun ah mäih ah m’kyiit yoop ah mäih ah kya ciah chang cu Khanpughi ah ma ah akholä ah kyak ci nei.

JOB 15:14

Chang cu akcang ah theingcim hning khai ang? Chang cu akcang ah Khanpughi awn ng’düng hlawt khai ang?

HEBRU 4:4

Cacim theing ung ak hnüüp chih hnüüp ah mawng a pyein nak ung, “Khanpughi cu ak hnüüp chih hnüüp ung abi gui avan ung ng’düm ci,” ciah om ci.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LUKA 7:16

Chang gui cäicat u netah mikmi ung profet mang tumat dang law pyi ci nei, Khanpughi cu akchang gui hun khai ah law pyi ci nei” cine Khanpughi cu m’hlüngtai ci gui.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

HEBRU 5:6

Cun kawn ah mä a hei ung, “Nang cu Melchizedek ah hnün ung ngoh ciah Ang täi ah Taigü ah na kyak khai,” cine pyein ba ci.

LUKA 1:78

Mikmi ah Khanpughi cu m’gein nak la k’dük nak awn be ci. Ani naw a hun nak ah akdei cu mi khan ah ng’shü law sak ne,

LUKA 1:68

“Israel gui ah Khanpughi Bawipa cu m’hlüngtai tu vä, Ani cu akchang gui m’htei gui khai ah law ne, phiawn sak gui pyi ci nei.

ISAIAH 40:17

Chang pakhui gui cu ani ah ma ah akholä ah kyak ci gui nei.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.