HEBRU 2:3 - Cho Bible Common Language 2016

³ küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

HEBRU 2:3 Referans Kwoze

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

ROMAN 2:3

Cun ung phi teihpüi aw, paw chang m’khoichaa nak ah katnak cu nang na mät naw nam cheishoh pyi ci nei. Nang cu Khanpughi ah m’khoichaa nak na phiawn nak khai ah na ngai ci maa!

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

LAMKTU 4:12

Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.

EZEKIEL 17:15

Cun ung phi Judah ghangpughang naw kuknet neta Egypt ah a Chang tüi ne, ng’se gui la gakap akda cu k’thäh ci. Ani näng khai ang? Ani cun ung phyawng khai ang? Ani naw thukbäi bi nak cu kä m’shet hlawt khai, m’kyuk nak kä gah ah kä kya hlawt khai!

HEBRU 4:11

Cun ah kyasei düm nak gah vai ah mik tha nak khai nei. Cun ung kä a mi yum ah hmawk ah düm nak kä gah ci gui ah Israel chang gui ah kä mi kyak khai nei.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

TITUS 2:11

Khanpughi naw hnicim chang avan, hun nak a gah nak vai ah am gein nak cu dang sak pyi ci nei.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

ISAIAH 51:5

Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

JOHAN 15:27

Nangmi naw phi kei ah mawng thu nami pyein khai, a i ah kya sei ci ung akhtük ge ung nangmi cu kei awn a täng ah nami om ci kyak ci.

LUKA 24:19

Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.

MAKUH 1:14

Johan thawng ung ami chum kawn ah Bawipa Jesuh cu Kalile kho ah law ne Khanpughi ungka lawk ciah Thu Ni cu pyein ci.

EZEKIEL 17:18

Ani naw ang tawn nak phi m’shet ne, dinds nak abi phi m’shet ci. Shin gui avan cu ani naw abi ah kyak ci, ani cu kä phyawng khai.”

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

ISAIAH 20:6

Cun ah khim a gawk law ung, Philistia tui kam yung ah am ciah chang gui naw, ‘Assiria ghangpughang ah kut ung ka na shungvong gui khai ah mikmi naw mi ngaih u gui ah chang gui ah khan ah, a i ah kya lawk cicu teng tu vä! A i hawkcha ghing ne mi k’pawih ba khai aw?’” cik ci gui.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

ROMAN 11:14

Kei naw ka mät ah pakhui chang gui ung m’thüi nak ah m’lung om khai ah ka bi nak awn, ngami ungka chang amshah naw bawtah hun nak gah tuk khai gui nei.

1 KORIN 1:21

Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

1 JOHAN 1:1

Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

JUDE 1:17

Teihpüi gui aw, Mi Bawipa Jesuh Khrit ah ang düihpüi gui naw ami ning m’thein m’kan gui cu shüm tu ba vä.