HEBRU 2:2 - Cho Bible Common Language 2016

² Mi pupa gui am khankho chang gui awn a yuk peit law ah ng’thu cu akcang ah kyasei, cun ah thu kä läk ne kä ngai ciah chang cu m’kat nak gah khai ah a kyak ung,

HEBRU 2:2 Referans Kwoze

LAMKTU 7:53

Tuk bäi nangmi naw cun ah Bawipa cu, ga ah kut ung ap neh nami ngawn pyi ci nei. Khankho chang gui ung Khanpughi naw a ning peit gui ah ng’thu m’khän cu gah lang u neh, kä nami läk ci nei” cine kyak nah gui ci.

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

HEBRU 10:28

Moses ah thukhän kä läk ciah chang tumat cu hnih thum saksi sei, akat nak ang dang ah a kyak ung, m’gein nak kä om sei sih nak pek ci gui nei.

JUDE 1:5

Bawipa naw Israel chang gui cu k’phyawn gui ne, Egypt khaw ung kaa k’plawk ba gui netah, kä yum ciah chang gui a dimaih sak gui cu, nami hmat pyi ah kya pang sei phi ka ning shüm ba sak gui hlük ci nei.

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

HEBRU 10:35

Cun ah kyasei khüighaat ne om vä, cun ung m’cümhnah nak ak bä pi nami gah khai.

THULÄÄN NAK 17:12

Chang tumat mat naw suki, kä cun ung taigü ah bi cu ling ne kä k’hlü ne a kyak ung ani cu ngawn vai. A shicha ah shin ah shekha cu Israel ungka nangmi naw nami nawt heng vai nei.

THULÄÄN NAK 17:5

Cun ah chang cu la ne gawnu ah hteh püi neta, lung awn vawi ne nami ngawn vai.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

THULÄÄN NAK 17:2

Gawnu tumat ung pami, kä cun ung hnumi naw katnak bi neBawipa a hnungtuk püi nak la thumkhän am shet nak cu nami ng’ya man khai.

KHEI NAK 25:9

Israel gui m’di gui ciah leigai cu ng’pyi ci. Cun ung phi a cun ah ami ngawn ah chang 24000 lawk ci.

KHEI NAK 21:6

Cun kawn ah Bawipa naw am m’äm mah ah phyu gui cu chang gui ah ng’lung ah tüi sei, chang akda cu phyu naw k’dawk gui sei sik ci gui.

KHEI NAK 16:49

Cun ung sik ciah chang avan khei ung 14,700 lawk ci. Korah ah hnungtuk nak ung sik ciah chang gui kä khei tu ah kyak ci.

KHEI NAK 11:33

Ngami ah hmawk ah ei vai akda a om sang ung Bawipa naw chang gui m’lungshe na gui neta, ami ng’lung ah ghuih ciah nat nak gawk sak ci.

THULÄÄN NAK 32:2

Kei ah m’theithang cu khaw aa ng’ma ah mäih ah hteeu khai. Khomdek khan ung khi ah mäih ah toi khai, Kei ah kang thu gui cu geit ayüt ah khan ah yu kyak ciah khaw goh ah mäih ah kyak khai. Hniphnoi ciah khumghaw ah khan ah yuk aa ciah ng’awigii ciah khaw aa ah mäih ah kyak khai.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.