HEBRU 2:18 - Cho Bible Common Language 2016

¹⁸ Tuhbäi ani naw tüihtok nak gah ciah chang gui cu m’htei gui hning ci, a i ah kyasei ci ung, ani amät cu tüihtok nak la geinvai nak gah pyi ciah kyak ci.

HEBRU 2:18 Referans Kwoze

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

HEBRU 5:2

Ani amät cu kä a khüm be nak da ci kyasei, lam hma ciah chang, cheishoh ciah chang gui cu chimgein gui ci.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

JOHAN 10:29

Ngami gui kei-am na ap ciah Kapa cu, avan ah hlüngtai pi ci kia ne, a u naw phi cun ah htome gui cu Kapa ah kut ung kaa kä gut hlawt khai.

LUKA 22:53

Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

LUKA 22:28

Nangmi cu kei awn a täng ah tüihtok nak nami bui awt pyi ciah kiak ci.