HEBRU 2:17 - Cho Bible Common Language 2016

¹⁷ Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

HEBRU 2:17 Referans Kwoze

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

ROMAN 5:10

Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.

HEBRU 2:11

Bawipa Jesuh naw chang gui cu ami shektkat nak ungka theingcim sak gui ci, amät la a theing sak pyi ah chang gui cu tumat pa nak ci gui, cun ah kyasei cun ah chang gui cu, phäinau ah a khü gui vai ah, Bawipa Jesuh cu kä lü ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

HEBRU 3:5

Moses cu Khanpughi ah im kyong ah ak changshäm ah kya ne bekhüt ne om ne, ma lam ah Khanpughi ah thu law vai gui cu, ana pyein law ma ci.

KOLOSE 1:21

Ayan nangmi cu Khanpughi awn ng’shawng u ne akshe nami bilawh nak la nami ngaih-tüh nak awn aga ah nami kya te ci.

HEBRU 7:28

Moses ah thukhän naw kä kümbe ciah chang gui cu, Taigü ah m’düih gui ci; cun ung phi thukhän a om kawn ah, angtäi sei kümbe ciah A Htapa cu Taigü Tung ah phyun ne m’düih ci.

EPHESIAN 2:16

Bawi Khrit naw kutlamtung ung a sih nak awn, chang gui ah thüigen nak cu m’dim netah, changpakhui hnih cu kawngät sak ne, Khanpughi ah law püi ci.

ROMAN 15:17

Bawi Khrit Jesuh ung kawng ät nak awn, Khanpughi ah khuut ka bi hning ah phäh ah, kei cu khähghah ne ka yei ci nei.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

HEBRU 3:2

Moses cu Khanpughi ah im ung a bi lawh nak ung abekhüt ah mäih ah, Bawipacun phi shin ah bi bik khai ah ghü ne m’düih ciah Khanpughi ah ma ah bekhüt ci.

EZEKIEL 45:20

Acun ah cha a hnüüp chih ung, kä ngaih-tüh ah katnak bik ci gui la kä ami hmat su ah katnak bik ci gui ah phäh ah nangmi naw acun ah nami bi vai. Acun cha ah nangmi naw Taigüim cu nami theingcim sak vai nei.

EZEKIEL 45:17

Ani naw shin gui a pek gui vai cu ani ah bii ah kyak ci, apum avan m’khih vai seime gui, Israel pakhui avan ah phäh ah htang-douthak nak la sapyit tui-douthak nak gui, cun gui cha lum thai pawi, kyin hnüüp gui la ahei pawi gui ung a pek gui ah kyak ci. Ani naw katnak ah phäh ah douthak, htang-douthak, apum avan m’khih ne douthak la khawtsheng-douthak nak gui cu, Israel chang gui ah katnak gui k’täm nak ah kyak ci.

ISAIAH 11:5

Ani naw a chang gui cu taga nak la dung nak awn uk gui khai.

2 SHONTÄP NAK 29:24

Cun kawn ah taigü gui naw me gui cu ngawn u neta, chang van ah katnak nawt heng ne khawihnah nak ah si gui cu sonkiang ah khan ah huk ci gui. Cun cu Israel chang avan ah ghangpughang naw ang thumkhän gui ah kyak ci.

TAIGÜTHUM 6:30

Avaisü ah asi api cu Phung ah kyong ah law püi ne, katnak nawt heng nak ah mang ah a kyak ung, cun ah seime cu kä ei vai, mei awn m’khih vai.

TAIGÜTHUM 14:18

Ani naw am ya ung pawih ba ciah si tui avan cu, cun ah chang ah lu khan ah yuk tha ci. Shikcha ah ani cu ng’gängsei nak abi vai ah kyak ci.

TAIGÜTHUM 16:16

Ani naw shicha ah Israel chang gui ah kä theingthap nak la ami katnak avan ungka naw ng’gängsei nak cu Atheingcim Pikbäih Hmun ung ami bi ah kyak ci. Ani naw shin cu Phung ung a bi vai ah kyak ci, a i ah kyasei ci ung cun cu shaum pigaw ah ng’lung ung om ci, cun cu kä theingthap ci.

KHEI NAK 15:25

Taigü naw chang bum ah hmawk ah ng’gängsei nak cu abi vai, cun ung ngami cu m’geinsei gui khai. A i ah kyasei ci ung ami hma nak cu kä ngaih-tüh ne bi ah kyak ci. Ngami naw ei-douthak nak ah kat-phyawn douthak nak cu Bawipa ah law püi ci gui.

HEBRU 2:16

Ani naw khanchang gui am hteihtang gui ah kä kyak ci; cacim theing ung, “Ani naw Abraham ah hta shon cu m’htei gui ci nei,” ciah mäih ah am htei gui ah kyak ci.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

HEBRU 5:1

Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.

HEBRU 5:2

Ani amät cu kä a khüm be nak da ci kyasei, lam hma ciah chang, cheishoh ciah chang gui cu chimgein gui ci.

HEBRU 5:5

Acun ah mäih ah Bawi Khrit naw amät naw amät cu Taigü Tung ah käm düih ci. Khanpughi naw Bawi Khrit-am; “Nang cu Ka Htapa ah na kyak ci, Tuhngawi kei cu nang ah Pa ah ka kyak ci” cik ci.

HEBRU 5:10

Khanpughi naw Bawipa cu Melchizedek ah hnün ung ngok ciah Taigü tung ah ming sak ci.

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

HEBRU 8:3

Taigü Tung phung cu Khanpughi am peit vai gui vawihpeh khai ah m’düih ah kyak ci. Cun ah kyasei mikmi ah Taigü Tung cun phi a vawihpeh vai tumat mat om khai ah kyak ci.

HEBRU 9:11

Cun ung phi Bawi Khrit cu om pyii ciah nikiom nak gui ah Taigütung ah kya ne gawk law pyii ci nei. Ani ah khuut bi nak ah phung cu hlüngtai ne kümbe pi ci nei: cun cu chang ah cawh ah kä kyak ci, atüi pyan ah khomdek ungka ah kä kyak ci.

HEBRU 10:21

Mikmi ung Khanpughi ah mang im uk ciah küikyang ciah taigü om ci.