HEBRU 2:13 - Cho Bible Common Language 2016

¹³ Cun kawn ah Bawipa naw, “Kei cu Khanpughi ung kang ap khai nei,” cik ci, cun kawn ah, “shin ung Khanpughi ah na peit ah hta gui awn a täng ah kami om ci nei,” cine pyein ba mä ci.

HEBRU 2:13 Referans Kwoze

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

1 KORIN 4:15

Khritha ah nami ghin nak ung ning m’theithang gui khai tämkäp phyaa khak a om ung phi nami Pa cu tumat bäng ah kyak ci. Kei naw Thu Ni cu nangmi ah law püi ngä sei, Bawi Khrih Jesuh ung nami ghin nak tu awn kei cu nangmi ah pa ah ka kya lawk ci.

JOHAN 10:29

Ngami gui kei-am na ap ciah Kapa cu, avan ah hlüngtai pi ci kia ne, a u naw phi cun ah htome gui cu Kapa ah kut ung kaa kä gut hlawt khai.

SAM 91:2

Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.

ATÜNNAK 48:9

Joseph naw, “Shin cu kei ah hta goi, Egypt khaw ah Khanpughi naw ana pek nei” cik ci. Jakob naw, “Law püi goi ä, hrilham ka pe goi khai nei” cik ci.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

2 SAMUEL 22:3

Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

SAM 16:1

O Khanpughi, na ngäng ä, ka phyawn vai ah nang ung ka ng’ap ci nei.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.