HEBRU 2:11 - Cho Bible Common Language 2016

¹¹ Bawipa Jesuh naw chang gui cu ami shektkat nak ungka theingcim sak gui ci, amät la a theing sak pyi ah chang gui cu tumat pa nak ci gui, cun ah kyasei cun ah chang gui cu, phäinau ah a khü gui vai ah, Bawipa Jesuh cu kä lü ci.

HEBRU 2:11 Referans Kwoze

HEBRU 10:14

Hnü ät ang bäng ah a küikyan nak awn, theingcim nak gah ci gui cu, angtäi sei kümbe sak gui ci.

HEBRU 10:10

Bawipa Jesuh Khrit naw Khanpughi ah ang yak hlü läk ne, amät ah pumsa cu, ang bäng ge ah ap ne a peit ah kyasei, mikmi cu theingcim nak mi gah ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

HEBRU 13:12

Cun ah kyasei Bawipa Jesuh Khrit cu a si ng’hlui awn chang gui ah, cheishoh nak m’si khai ah, mang gaw ah k’pung ah sik nak aut ci.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

MATTHE 28:10

Bawipa Jesuh naw, “Kä kyikyawk vä, hteit ba ne ka phäi nau gui-am Kalile kho ah ami hteh vai ah m’thein gui vä, ngami naw a cu ah na hmuk khai gui nei,” cine m’cäi gui ci.

LAMKTU 17:28

Chang tumat naw; “Mikmi cu Khanpughi awn ghing ne, hnün tho ne, om ih ne mi kyak ci.” Nang mi ungka ng’äi awn m’thei ciah chang gui naw phi; “Mikmi cun phi Khanpughi ah Hta gui ah mi kyak ci” cine ng’äi awm ci gui.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

MAKUH 3:34

“Kei ah kanu la kanau gui cu a shin gui nei!

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.