HEBRU 2:1 - Cho Bible Common Language 2016

¹ Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

HEBRU 2:1 Referans Kwoze

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

2 PETER 3:1

Teihpüi gui aw, shin ah ca cu ak hnih vei nak ka ning guk law gui ah kyak ci nei. Shin ah caguk ani nik hnih ung, shin ah mawng gui cu shüm ba ne, nami m’lung ngaih theing sei,

2 PETER 1:15

Kei ka sih kawn ah shin ah a mawng gui cu, nami shüm ba lä vai ah k’tha na pi bäih ne ka bik khai nei.

NG'THU K'THUUK~ 3:21

Ka hta, cüivai nak cu k’pang ne na kyong nak vai, nang ungka kä na ng’phleng en sak vai.

SAM 119:9

Chang nong naw a ghin nak cu a i cha ah theingcim sak khai ang? ci ung, nang ah thumkhän läk nak awn kyak ci.

1 SHONTÄP NAK 22:13

Israel gui ah hmawk ah Bawipa naw Moses am a pek ah thukhän gui avan na läk ah a kyak ung nang cu näng nak na gah khai. K’tha la ne m’lung üp nak om sä, a i naw kä ning kyihkyawk en sak sä.

HEBRU 12:5

Khanpughi naw a hta ah ning k’hmoh gui ne, k’thamah nak pe ne a ning thu püi gui cu, nami m’hnih ei ci maa? Cun ah thu cu; “Ka hta aw, Bawipa naw a ning m’düng ung, Ngai ne na läk vai nei, A ning m’cäi ung kä na thüisei en vai nei,

MAKUH 8:18

Nami mik om lang sei kä nami hmuk ci ma? Nami hnga om lang sei kä nami ng’yak ci ma?

MATTHE 16:9

Zum nak ken ciah chang gui, tuhgüt kä nami hmuhmat lawk ci ma? m’htut pum hma, chang phia hma-kip-am ka tei gui la, ami ei ah pawih dawn ung a i chü nami kaw ba cu, kä nami shüm ba ci ma?

THULÄÄN NAK 4:23

Bawipa nami Khanpughi naw a ning bi püi gui ah thukhän cu kä nami m’hnih vai ah nami geing nak vai. Nami mät ah hmawk ah a i a gup phi kä nami pyan vai ah a ning thumkhän gui cu kä nami m’hnih vai.

HABAKKUK 2:16

Nangmi cu m’taam khah nak vaisü ung thui ng’aa nak naw ning küm gui khai nei. Nami mät cu aw u ne, nami kyu shüi shüi khai nei. Bawipa naw nami mät ah khap awn m’kyuk nak ning tu gui khai, Nami ng’taamkhah nak cu ng’yochaw nak ah ng’lat khai nei.

LUKA 9:44

“Chang ah Htapa cu chang gui ah kut ung ap khai gui nei, Cun cu kä nami m’hnih-en vai nei” cine ang düihpüi gui-am kyak na gui ci.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.