HEBRU 13:9 - Cho Bible Common Language 2016

⁹ Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

HEBRU 13:9 Referans Kwoze

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

ROMAN 14:6

Kho hnüüp k’ni ngaih-tüh ciah chang cu Bawipa am tamkhah nak ah a ngaih-tüh ah kyak ci; a i ei phi ei thei ciah chang cu Bawipa am tamkhah nak ah a ei ah kyak ci, a i ah kya sei ci ung ani naw cun ah ei ah hmawk ah Khanpughi cu m’hlüngtai ci. Ei am shah hlawi ciah chang cun phi Bawipa am tamkhah nak ah a hlawi ah kyak ci, ani naw phi cun ah a hlawi ah hmawk ah Khanpughi cu m’hlüngtai ci.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

LAMKTU 20:30

Nami mät ungka chang amshah naw, yum ciah chang gui naw ami läk gui vai ah, hleeihlak ne ami k’tü phlawh nak ah khin gawk law khai nei.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

2 THESSALONIAN 2:17

nik ciah thu pyein ne nik ciah bi nami bi nak vai ah thagui, thamah nak cu ning pe gui sä.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 24:4

Bawipa Jesuh naw, “Nangmi a u naw kä a mi ning m’hleeihlak-en gui vai ah geing na ne om vä.

KOLOSE 2:4

Kei naw ka ning m’thein gui cu hleei pyein ne a u naw a i kä ning ng’cuh-en püi gui sä. Ngami naw a i hlawk ah nik ciah ami pyein ung phi kä nik khai nei.

2 KORIN 1:21

Bawi Khrih ung kawng ät nak awn keimi la nangmi na ghin sak gui ci cu, Khanpughi a mät ah kyak ci.

1 KORIN 8:8

Ei cu Khanpughi lam ah ak tung ah kä kyak ci; ei kä ei ung phi dishum nak vai kä om ci, ei ei ung phi näng m’khüt nak vai kä om ci.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

ROMAN 14:2

Ayum nak khäng ciah chang naw a i ei phi ei hning ci, a yum nak kä khäng ciah chang naw, thui an bäng vah ei thei ci.

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.

2 THESSALONIAN 2:2

“Bawipa ah kyum law nak ah hnüüp gawk lawk ci nei,” cine ami pyein nami ng’yak ung acun vai-am cäicat thüngphyong ne kä nami kyak vai. Shin ah a mawng cu kami ng’cää bang nak ung phi bäi, thu kami pyein nak ung phi, ca kami guk nak ung phi bäi, dang ci nei, cine chang gui naw ngai hngaw khai gui.

1 KORIN 6:13

Chang atumat naw, “Ei cu chi ah phäh ah kyak ci, chi cun phi ei ah phäh ah kyak ci” cine pyein ci om khai. Acun ah kyak ci, cun ung phi Khanpughi naw acun goi ani nik hnih cu dimaih sak khai. Pumsa cu ng’yawpawm pletbeng nak düt vai ah kä kyak ci, Khanpughi ah bi bi nak vai ah kyak ci; Khanpughi naw phi pumsa ung hlü ci gui cu yuk m’kyum lawk ci.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

SAM 112:8

Ani cu kä ng’ä ci, kä kyik ci; Ani naw a ga gui ah dimaih cu hmu gui ci.

LUKA 5:38

Cun ah kyasei sapyit tui asü cu um akthai ung than vai,