HEBRU 13:7 - Cho Bible Common Language 2016

⁷ Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.

HEBRU 13:7 Referans Kwoze

HEBRU 13:17

Nami ng’vaihta gui ah ng’thu cu ngai u ne ami pyein ah nami om vai nei. Ngami naw ami bi lawh cu Khanpughi-am m’thein ba khai gui kiasei, kä ng’düm phung ne nangmi cu ning m’htei gui ci gui nei. Nangmi mi naw ami ng’thu cu nami ngaih ah a kyak ung ngahmi cu yeikyai ne bilo khai gui nei, Kä nami ngaih ah a kyak ung ngahmi cu thüisei u sei, nangmi ah hmawk ah a i phi a bä nak kä om khai nei.

PHILIPPIAN 3:17

Phäi nau gui aw, kei cu na thei vä. Nang mi ah hmawk ah kei mi ah m’dang, na thei tu gui ciah chang cu nami m’hteihtang vai nei.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

1 THESSALONIAN 1:6

Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

1 TIMOTHI 3:5

A mät ah kyong khui am htei htang vai pang kä hmat ciah chang naw, a i cha ah Khanpughi ah Krithabum m’hteihtang hlawt khai yaw?

HEBRU 13:24

Nami ng’vai gui la Khanpughi ah chang gui avan cu kami yavaih nah gui ci nei. Itali ah kaa phäi nau gui naw phi ning yavaih nah gui ci gui nei.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

1 KORIN 4:16

Cun ah kya sei kei cu nami na thei tu vai ah ka ning m’cäi gui ci.

ROMAN 10:17

Cun ah kya sei thu ng’yak nak awn yum nak cu lawk ci, Bawi Khrit ah mawng ng’shäu ne pyein nak ung, thu cu chang naw ng’yak ci.

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

SOLOMON NG’Ä~ 1:8

M’hni pikbäih ah hnumi ah a hmun kä na hmat ne ma? Hteit ne htomak gui läk ä; htoshäm gui ah phung ah pei ah na me gui ah phäh ah khulim nak cu shui ä.

THU PHLAAN 6:9

Htomehta naw ak hma nak ah mhnüt nak cu khawk ne hmawng khätah, Khanpughi ah ng’thu ami ng’shäu ah hmawk la bekhüt ne ami saksi ah hmawk ah ami ngawn gui ah mümcha gui cu, sonkiaang ung om u sei ka hmu gui ci.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

2 THESSALONIAN 3:9

Cun ah kami bi cu, keimi ung nangmi ah m’hteihtang nak kami k’thäh nak hning, kä a om su ah kä kyak ci, nangmi naw nami na theileh gui vai ah kami bi ah kyak ci.

1 KORIN 11:1

Bawi Jesuh ka theitu ah mäih ah kei nami na theitu vai.

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

LUKA 8:11

Shin ah m’tumtäng ne pyein nak hlü cu; m’shi cu Khanpughi ah ng’thu ah kyak ci.

2 THESSALONIAN 3:7

Keimi ah bilawh ah mäih ah nami bilawh tu vai cu, nangmi nami mät naw nami hmat ci. Keimi cu nangmi awn a täng ah mi om yah ung kä kami damduh ci.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LUKA 5:1

Kho hnüüp ät ung Bawipa Jesuh cu Kennesaret tuili kem ah ang düih yah ung Khanpughi ah ang thu ngai khai gui ah gawk lawk ci gui.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.