HEBRU 13:4 - Cho Bible Common Language 2016

⁴ Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

HEBRU 13:4 Referans Kwoze

ATÜNNAK 2:24

Cun ah kyasei pami naw anu la apa nawng shüt ne, akchu cu ng’pungkhah püi sei, ngani cu tumat ah kya lawk ci goi.

KALATIAN 5:19

Hnicim chang ah ng’yak hlü gui cu dang ge ci. Cun gui cu ng’yawpawm nak, shemshai nak, gän düt ah kyak nak;

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

EPHESIAN 5:5

Pletbeng ci gui, shekhak ci gui, ng’yak hlü aih nak om ciah chang gui phung cu, Khanpughi la Bawi Khrit ah uknak kho ung chang ah kä kya tuk khai gui cicu akcang ah nami hmat ci nei. (Ng’yak hlü aih nak cu a gup khawihnah nak ah kyak ci nei.)

1 TIMOTHI 3:12

Khritha bik’bi cu tumat bäng chu nak ciah kyak khai, ak chu, a hta, ak kyongkhui uk m’khüt ne, m’hteihtang hlawt ciah kyak khai.

1 TIMOTHI 3:4

ani cu ak kyong khui uk m’khüt sei ak chu a hta gui naw ami chang m’sui ah kyak khai.

1 KORIN 7:38

Cun ah kya sei beit pyi ah ng’lami chunak (kä) A hta hnumi ceimah sak ci. Ciah ng’pyangmi cu nik ci, cun ung phi kä chumah ling (kä) Kä ceimah sak ling. Cicu bä pi ci.

ATÜNNAK 2:21

Cun ah kya khätah Bawipa Khanpughi naw chang cu ip hniim khai ah ih sak ne, am hnaak guh tumat la neta, a hnün ung asa awn be ba sak ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

TITUS 1:6

Khritha k’tahnga cu m’kat vai ah kä om ciah chang ah kyak khai, tumat bäng chu nak khai, a hta gui cu yum ciah chang gui ah kyak khai, Om she m’gäi m’cik ci gui, beit kä ng’yak ci gui ah kä kiäen khai.

1 TIMOTHI 5:14

Cun ah kyasei hmaw sang ciah hmeinu gui cu ceimah ba u ne, hta nau u ne, ami kyong khui m’htei ne om u sä, cun ung mi ga gui naw mikmi ah mawng ak she ami pyein vai a i kä om khai.

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

1 KORIN 9:5

Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

ISAIAH 8:3

Api shou hta khäta kakchu cu käu mah lawk ci. Kami hta ang tüi law ung, Bawipa naw ana pyen nak cu “Aming cu ‘Akzaang ah gut-ang ghit ah gut’ ah nami sui vai.”

2 GHANGPUGHANG GUI 22:14

Hilkiah, Ahikam, Akbor, Shaphan la Asaiah ni cu Jerusalem gawthai ah om ciah prophet hnumi Huldah ah hteit ci gui. (Ani ah cei Shallum, Tikvah ah hta, Harhas ah tu cu, taigü suinu gui m’htei ciah angvaipi ah kyak ci.) Ngami naw a i ah a kyak ah mawng ani am m’thein ci gui.

HEBRU 12:16

A u chang phi om k’she ne, mümcha kä cimvai ciah Esau ah mäih ah kä nami kiak-en vai, ani naw hta k’tak-hnga ah a kyak nak cu, ei m’ka ät ah yoi ci nei.

TAIGÜTHUM 18:20

Chang ah chu kä na yawpawm vai, cun naw kä ning theingthap sak khai.

THULÄÄN NAK 22:22

“Pami tumat cu a hei pami ah chu awn ng’yawpawm ni sei hmu ne nami pha goi ah a kyak ung ani nik hnih sih nak pek goi vai. A cuk cha ah nangmi naw akshe cu nami nawt heng vai.

1 KORIN 6:18

Pletbeng nak cu nami hlawi vai. A hei katnak naw chang tumat ah pumsa cu kä di sak ci; cun ung phi ng’yawpawm pletbeng nak bik ciah chang cu amät ah pumsa m’di ciah kyak ci.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

TAIGÜTHUM 15:18

Pami la hnumi cu ani ng’yaw kawn ung, ani nik hnih tui ani ng’si vai. Ngani cu khaw mühun güt ung kä theingthap ci goi ah kyak ci.

JOB 31:12

Cun ah mäih cu m’di ciah mei, m’htei mei ah kya ne kei ung om ci nü cu ui khai nei.