HEBRU 13:3 - Cho Bible Common Language 2016

³ Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

HEBRU 13:3 Referans Kwoze

MATTHE 25:36

Kei ka sui vai kä ah om yah ung sui nami nam sui ci. Ka gawpai ung nami htei ci, thawng ung ka kium yah ung nami na teng m’kein lawk ci’ cine pyein ci.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

ROMAN 12:15

Zeikiai ci gui nami yeikyai püi gui vai, thüikyap ci gui nami thüikyah püi gui vai.

1 KORIN 12:26

Pumsa ah ang phyeekpai tumat a yaica ah a kyak ung, a hei gui ami van yaica yawp ci gui; pumsa ang phyeek pai tumat m’hlüngtai nak a om ah a kyak ung, a hei gui ami van yei kyai yawp ci gui.

KOLOSE 4:18

“Paul ah yavaih nak” ciah shin ah ca cu ka mät ah kut kheng awn ka guk nei. M’si gui awn ami na khih nak cu kä nami m’hnih-en vai nei. Khanpughi ah m’gein nak cu nami khan ah om sä, Amen.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

MATTHE 25:43

kei khin ah ka kyak yah ung kä nami na khin nak ci, kei ka sui vai kä a om yah ung kä nami nam sui ci, kei ka gawpai yah ung, thawng ung ka kium yah ung kä nami nam hteihtang ci,’ cine kyak na gui ci.

LAMKTU 24:23

Paul cu ngäng ne m’htei sak gui ne, a paw chang gui naw ami teng m’kein m’hteihtang vai phi yum ne m’cäi gui ci.

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

LAMKTU 27:3

A ngawi ung keimi cu Sidon ah kami gawk ci. A cu ah Julius naw Paul cu m’gein netah a teihpüi gui awn hmuh sak gui ci. Ngami am phi khin chah na sak gui ci.

ATÜNNAK 40:23

Cun ung phi yu cuung bawi naw Joseph cu kä shüm ba ne m’hnih ci.

HEBRU 11:37

Ngami cu lung awn ami vawih gui, m’si awn ami m’chün gui, khim awn ami ngawn gui ah kyak ci. Ngami cu pyamthaam u ne, dukdeiu nak la m’lung ah geinvai nak gah u ne, htome la me ah vun suisak ci gui.