HEBRU 13:21 - Cho Bible Common Language 2016

²¹ Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

HEBRU 13:21 Referans Kwoze

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

2 THESSALONIAN 2:17

nik ciah thu pyein ne nik ciah bi nami bi nak vai ah thagui, thamah nak cu ning pe gui sä.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

2 TIMOTHI 4:18

Bawipa naw kei cu shetkat nak phung ung nak phiawn ne, amät ah Khan mawpi uknak ah ngaih gep vai ah na hteh püi khai nei. Ani ung bämang nak cu ngawiyä khäng ne om sä! Amen.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

2 KORIN 9:8

Na mi ng’yak hlü avan cu angtäi ah gah u ne, ni kyom nak a hlü hlü nami bi nak hning vai ah, Khanpughi naw, nami ng’yak hlü ah däm sei ning pe gui m’khüt ci nei.

1 PETER 4:2

Tuhbäi khomdek pumsa awn nami ghin nak ba ah a khin ung, chang ah ng’yak hlü ah kä ghing ne, Khanpughi ah m’hni ah nami ghin vai.

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

JUDE 1:25

Jesuh Khrit Bawipa awn na hun k’phyawn gui ciah tumat bäng nak ciah Khanpughi cu cau puyinpamthak ung tüi ne, tuhbäi akhin, ngawi yä hta ng’shon ung, bämang hlüngtai, kuikyang huham ne om sä! Amen.

1 JOHAN 2:17

Khomdek khan la khomdek khan ah chang ah ng’yak hlü gui cu, ng’pyi lawk ci gui nei; cun ung phi Khanpughi ah ang yak hlü ah hnüntho ci gui cu, angtäi sei ghing khai gui nei.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

SAM 138:8

Nang naw na shaitak phung cu na bik khai; Bawipa, na m’hni nak cu ng’täi ci nei. Na bi mawng ah bi cu pyi phleh ne na bik khai nei.

THU PHLAAN 5:13

Cun kawn ah khankho, khomdek, khomdek ah kaa la tuinu ung la khaw ah kaa, m’dek ah khan ung om ciah akghing ak’om nici naw; “Mang kiang ung ngok ciah Bawimang la Htomehta cu, M’kümtou nak, chang m’sui nak, bämang nak, hlüngtai nak, cu ng’shon päng ung om sä” cine ng’äi ami m’cu cu ka ng’yak ci.

THU PHLAAN 4:6

Acun ah mang kiaang ah maa ung pyüülung ah mäih ah vai ci cu om ci. Mang kiaang ah ng’veing ak kit päng ung khiküi paphli om ci. Cun gui cu ami hnu ami maa ah mik bäng ah kya ci gui.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

1 THESSALONIAN 4:3

Khanpughi naw nangmi cu nami theingcim vai lah ng’yakhlü m’gukplet nak kä a om-en vai ah ang yak hlü om ci nei.

KOLOSE 3:20

Hta hmaw gui aw, nami nupa ah ng’thu nami ngaih vai, cun cu khritha ah nami kyak nak awn nami bi vai ah kyak ci. Cun cu Khanpughi naw a yei nak ah kyak ci.

PHILIPPIAN 2:11

M’khuukdoong ne bawihma u netah, Ak ghing om avan naw, “Zesuh Khrit cu Bawipa nei,” cine ng’shäu u ne, Pa Khanpughi ah bämang nak cu m’dang khai gui.

KALATIAN 1:5

Khanpughi ah bämang nak cu angtäi sei deikhang sä! Amen.

ROMAN 11:36

Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

ROMAN 16:27

Tumat bäng nak ciah Khanpughi nah ne, a päng avan lunglang hmuhmat ciah Khanpughi cu, Bawipa Jesuh Khrit awn angtäi sei bämang ne om sä! Amen.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

2 TIMOTHI 3:17

Cun ah kyasei Khanpughi ah khuut bik ci cu, nikiom nak a hlühlü abi lawh nak vai ah ng’sheitawn vai cu hlü ci, hmuhhmat Lulang nak awn kümbe vai ah phi kyak ci nei.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.