HEBRU 13:2 - Cho Bible Common Language 2016

² Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

HEBRU 13:2 Referans Kwoze

MATTHE 25:35

Nangmi cu kei ei ka cawi yah ung ei nami nam bei ci, tui ka gha yah ung tui nami na tu ci, kei cu khin ah ka kyak yah ung nami na khin nak ci.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

1 PETER 4:9

Kä puhceh en ne, tumat la tumat nami choh nami ng’hmawn tu vai.

MATTHE 25:43

kei khin ah ka kyak yah ung kä nami na khin nak ci, kei ka sui vai kä a om yah ung kä nami nam sui ci, kei ka gawpai yah ung, thawng ung ka kium yah ung kä nami nam hteihtang ci,’ cine kyak na gui ci.

TITUS 1:8

Ani cu khin m’htei ci, ak ni m’hni ciah chang ah kyak khai. Ani cu htingling ci, düng ci, theingcim ci, pyein ah om ciah chang ah kyak khai.

JOB 31:32

Kei naw hteit hton ci gui phi ka im ung ka khü gui ci, lam düt ung kä ka ih sak gui man ci.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

ROMAN 16:23

Kei na khinchah nak ci, khritha gui naw ami pum nak im nak ciah Kaius naw phi ning yavaih na gui ci nei. Gawmang ah nguimküm, Erastus la mi phäi nau Kuartus naw phi ning yavaih na gui ci goi nei.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

JOB 31:19

Chang tumat cu a i kä ta ne dukhaih ne a suisak phi kä a hleih hlawt ah akyak ung,

2 GHANGPUGHANG GUI 4:8

Hnüüp ät ung Elisha cu bühmang ciah hnumi ah om nak Shunem ah hteit ci. Ani naw khü ne ei m’bei tuk ci, cun ung tün ne, Shunem ah a hteh päng ung a cun ah hnumi ah im ah ei ei tuk ci.

ATÜNNAK 19:1

Cun ah mühun ung khankho chang hnih cu Sodam gawnu ah gawk lawk ci goi. Lot cu gawnu m’kawt ung ngaw ne, ngami cu hmu goi netah, ng’düi law ne ana do goi ci. Ani cu ani ma ah kawp netah,

3 JOHAN 1:5

Kam hni ah ka püi, nang naw kä ng’hmuhmat pang man ah Khritha gui ah khan ah bekhüt ne bi na bi cu bä ci nei.