HEBRU 13:15 - Cho Bible Common Language 2016

¹⁵ Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

HEBRU 13:15 Referans Kwoze

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

2 SHONTÄP NAK 33:16

Ani naw Bawipa khawihnah nak ah sonkiang phi pyang ba neta, acun ung khawtsheng douthak nak la m’hlüngtai douthak nak cu bi ne khawihnah ci. Israel Khanpughi Bawipa cu Judah chang avan naw ami khawihnah vai ah ani naw thumkhän ci.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

TAIGÜTHUM 7:12

Chang tumat naw shin ah douthak nak cu, Khanpughi am yeikyai douthak nak ah a bi ah a kyak ung, ani naw a täng ah a pek vai. Khawihnah nak vai ah seime, k’caw kä shum ne douthak ah m’htut, olive situi awn m’htut den k’caw ne pyan ah m’htut ak shah, käcung olive situi awn pyan ah biskuit m’htut, käcung olive situi awn k’caw ne den ah keik m’htut.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

2 SHONTÄP NAK 7:6

Taigü gui cu ami k’bäi nak pek gui ah hmun ung ng’düi ci gui, Levit gui cu ngami lam mang u ne ng’düi u ne, David Ghangpughang naw a pek gui ah tum khawn gui tum ne ng’ä m’cu ne, Bawipa cu m’hlümtai ci gui,” Ani ah m’hni nak cu khonglän ci nei! cine David ah ap gui ah bik ci gui. Chang avan ang’düih yah ung taigü gui naw phyungheng tum ci gui.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

SAM 118:19

Pum im ah ng’vong m’kawt gui cu na k’hmawn pe ä; kei a cun ung lut ne Bawipa m’hlüngtai khai nei!

SAM 18:49

Cun ah kyasei pakhui van ah ng’lung ung ka ning m’taam ci; m’hlüngtai ne ka ning ng’äi ci.

NEHEMIAH 12:43

Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

ROMAN 6:19

(Nang mi cu ng’thu thuuk kä hmat man uk ci sei, chang ah hmat yäi vai ah thu awn ka guk nei.) A yan ä nang mi cu, cheishoh nak a hlü hlü bi nak vai ah shetkat nak ah khlei-htein ah ng’khäm ne nami ng’ap ci. Acun ah mäih ah tuk bäi nangmi cu, theing cim ciah bi bi nak vai ah, ng’düng nak ah kaa ah khlei-htein ah kya ne ng’khäm ne nami ng’ap vai.

JOHAN 10:9

Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.

NEHEMIAH 12:40

Cun ah kyasei Khanpughi m’hlüngtai ciah bum goi kami van cu Taigüim pei ah kami gawk ci. Cun kawn ah be nak ah angvai gui kei awn atäng ah om ci gui,

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

2 SHONTÄP NAK 29:31

Hezekiah naw chang gui pyen nah gui ci, “Tuhbäi nangmi nami theingthap pyi ci, Bawipa yeikyai nak pi ah douthak ah khawihnah nak cu law püi vä.” Ngami naw ngai ci gui, chang amshah naw ami mät ah hmat ah m’khih ne douthak nak ah khawihnah nak ah seime cu law püi ci gui.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

LUKA 10:21

Cun yah ung Bawipa Jesuh cu Mumcha Theing awn yeikyai nak gah netah, “Khankho la khomdek ah Pa Khanpughi, hmuhmat tatlah ci gui ah ma ah, nam yih cu kä hmuhmat ci gui ah ma ah ng’dang sei ka ning m’hlüngtai ci. Aw Kapacun cu na mät ah ng’yak hlü ah kyak ci.

SAM 119:108

O Bawipa, m’hlüngtai ne ka taigü cu na dou pe ä, Na thukhän cu na m’theithang ä.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

JEREMIAH 33:18

levi pakhui ungka cu angtäi sei taigü ah kyak khai, ngami ka nii ni ne m’khih-douthak, htang-douthak la khawihnah nak gui cu douthak khai gui.”

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.