HEBRU 12:9 - Cho Bible Common Language 2016

⁹ Hnicim chang mi pa naw hma m’kyuk ne nam cäi gui sei, mikmi naw phi mik chang m’sui ci. Cun ah kyasei mümcha lam ung mi pa ah nam cäi nak gui läi cu ak tung pui ah ngai ne mi ghin püi vai ah kyak ci nei.

HEBRU 12:9 Referans Kwoze

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

KHEI NAK 27:16

Bawipa Khanpughi, ghin nak avan ah phung ah na kyak ci, ka taigü ci nei, chang gui tängpang püi gui hning khai cu m’düih ä,

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

JOHAN 3:6

Chang ah sisa ung ng’tüi cicu chang ah kya ba ci, Mumcha theing ung ng’tüi cicu Mumcha Theing ah kya ba ci.

JOB 12:10

Khanpughi naw atüi pyan gui ah ghin nak cu lam shüm gui ci; chang ah ghin nak cun phi ani ah huham kiong ah om ci.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

ISAIAH 38:16

Bawipa, nangah phäh ah, nang ah phäh bäng ah, ka ghing khai nei; Na gai sak ä, na ghin sak ä.

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

JAMES 4:7

Cun ah kyasei Khanpughi ah ng’yak hlü cu läk ne khoshe cu nami k’täm vai nei, cun ung nangmi ungka dawng khai nei.

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

JAMES 4:10

Bawipa ah ma ah nami m’lung neim sak vä, cun ung ning m’hlüngtai gui khai nei.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

ROMAN 1:3

Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

LAMKTU 2:30

Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci.

LUKA 18:2

Pigawnu tumat ung suki tumat om ci. Ani cu Khanpughi phi kä kyih ci, chang phi kä aa cih chang ah kyak ci.

LUKA 18:4

Hmeinu ah pyein cu suki naw akda vei maa nak ci. Cun ung phi ak hnu ah “Kei cu Khanpughi phi kä ka kyih ci, chang phi kä ka aa ci.

THU PHLAAN 22:6

Cun kawn ah khankho chang naw kei-am, “Shin ah ng’thu cu ng’düng ne ng’ciim ciah ng’thu ah kyak ci. Purofet gui cu ang mumcha awn be sak gui ciah Khanpughi naw kä shou pha sei kia lawk khai ah a mawng gui cu, ak chang gui-am m’dang gui khai ah, khankho chang cu tüi law pyi ci nei” cine pyein ci.

ISAIAH 45:10

A nupa gui am, “A i ah kyasei shikcha ah na na hta nak ang” ci dat khai ah chang om ne ang?”