HEBRU 12:7 - Cho Bible Common Language 2016

⁷ Yaica geinvai nak nami gah cu kami pa naw kami hma anam kyuk nak gui ah kyak ci, ciah nami yum vai nei, nami yaica geinvai nak naw, Khanpughi naw a hta ah a ning k’bäi gui cu dang sak ci. A katnak m’kyuk ne apa naw kä a m’cäi man ah hta a u om ne ang?

HEBRU 12:7 Referans Kwoze

NG'THU K'THUUK~ 19:18

Na hta gui cu ng’thei thei khai gui ah ami hmaw yah ung na m’shumthein gui vai, ka cun ung ami mat naw ami mat ami m’di vai ah na m’thein gui ciah kyak ci.

THULÄÄN NAK 8:5

Nami shüm ba vai Bawipa nami Khanpughi naw, apa naw a hta am cäi ah mäih ah ning m’düng gui ne, ning m’kyuk gui ci.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

NG'THU K'THUUK~ 13:24

Na hta cu that ne kä na m’cäi ung na hta kä na m’hni ciah kyak ci. Na hta na m’hni ah a kyak ung na m’shum thein vai.

NG'THU K'THUUK~ 29:17

Na hta cu m’hnütbäi nak na pek vai, nang cu angtäi sei ani awn na khäghah khai, ani naw thui ng’a nak vai ah mawng kä ning pe phung khai.

2 SAMUEL 7:14

Kei cu ani ah pa ah ka kyak khai, ani cu kei ah hta ah kyak khai. Ani hma nak abi ung apa naw a hta am kyuk ah mäih ah kei naw ka m’kyuk khai.

NG'THU K'THUUK~ 22:15

Ak hmaw hta gui cu ami ng’tüi püi ah hmü hma thei ci gui, a i kä geing na thei ci gui. Cun ung phi akni ah that ne m’cä ung, a i cha ah ami ghin om vai m’thein ah kyak ci.

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

1 SAMUEL 2:29

A i ah kyasei, kei naw ka chang gui ung ka thäh ah khawihnah nak la douthak nak cu nangmi naw ei hlü ne nami teng ang? A i ah kyasei Eli, kei ah ta na hta gui na m’taam gui pi ang, ka chang gui naw ami na douthak law ah khawihnah nak ah aknipi gui avan cu ei sak gui ne, na plan sak gui ci gui ne ma?

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.