HEBRU 12:6 - Cho Bible Common Language 2016

⁶ A i ah kyasei ci ung, Bawipa naw am hni ah Chang phung cu m’düng ne, A hta ah k’bäi ne a dou phung cu M’kyuk ci nei,” ciah kyak ci.

HEBRU 12:6 Referans Kwoze

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

NG'THU K'THUUK~ 3:12

Bawipa naw am hni ah chang cu m’shung hlawi ci, Apa naw am hni ah a hta am shung hlawi ah mäih ah kyak ci.

SAM 119:75

Bawipa, na m’khoi cha nak ng’düng ciah ka hmat ci nei, Nang cu na bekhüt ci kya ne kei cu na na m’kyuk ci nei.

NG'THU K'THUUK~ 13:24

Na hta cu that ne kä na m’cäi ung na hta kä na m’hni ciah kyak ci. Na hta na m’hni ah a kyak ung na m’shum thein vai.

SAM 94:12

Bawipa, nang naw na m’shüm thein ah chang, na thumkhän na m’thei ah chang cu yeikyai nak om ci nei!

2 SAMUEL 7:14

Kei cu ani ah pa ah ka kyak khai, ani cu kei ah hta ah kyak khai. Ani hma nak abi ung apa naw a hta am kyuk ah mäih ah kei naw ka m’kyuk khai.

JEREMIAH 10:24

Bawipa, na chang gui ng’düng sak gui ä; Cun ung phi keimi ah khan ah kä nuipai aih sä, na m’lungshe yah ung kä na m’kyuk en gui ä, cun cu keimi ah ng’pyi nak ah kyak khai nei.

THULÄÄN NAK 8:5

Nami shüm ba vai Bawipa nami Khanpughi naw, apa naw a hta am cäi ah mäih ah ning m’düng gui ne, ning m’kyuk gui ci.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

SAM 119:71

Na na m’kyuk nak cu bä ci nei, a i ah kyasei ci ung, a cun naw na thumkhän cu na ng’thei sak ci.

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

NG'THU K'THUUK~ 3:11

Ka hta, Bawipa naw a ning m’shung hlawi ung na läk vai, khän ne a ning m’cäi ah na hmat vai.

NG’ÄI KYAH 3:39

Mikmi mi katnak ah phäh ah m’kyuk nak mi gah law ung, a i ah kyasei mikmi ng’thu mi m’da ang?

RUT 1:3

Cun ung phi Naomi ah cei Elimelek cu si neta, akchu la a hta hnih cu nawng shut gui ci.