HEBRU 12:5 - Cho Bible Common Language 2016

⁵ Khanpughi naw a hta ah ning k’hmoh gui ne, k’thamah nak pe ne a ning thu püi gui cu, nami m’hnih ei ci maa? Cun ah thu cu; “Ka hta aw, Bawipa naw a ning m’düng ung, Ngai ne na läk vai nei, A ning m’cäi ung kä na thüisei en vai nei,

HEBRU 12:5 Referans Kwoze

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

SAM 94:12

Bawipa, nang naw na m’shüm thein ah chang, na thumkhän na m’thei ah chang cu yeikyai nak om ci nei!

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

SAM 119:109

Kei cu angtäi sei ka ghin nak m’hlüng ge vai ah ka om ci nei; Na thukhän cu kä ka m’hnih phung ci nei.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

SAM 119:75

Bawipa, na m’khoi cha nak ng’düng ciah ka hmat ci nei, Nang cu na bekhüt ci kya ne kei cu na na m’kyuk ci nei.

SAM 118:18

Ani naw kei cu aknui ah na m’kyuk ci, cun ung phi kä na sih sak ci.

HEBRU 12:7

Yaica geinvai nak nami gah cu kami pa naw kami hma anam kyuk nak gui ah kyak ci, ciah nami yum vai nei, nami yaica geinvai nak naw, Khanpughi naw a hta ah a ning k’bäi gui cu dang sak ci. A katnak m’kyuk ne apa naw kä a m’cäi man ah hta a u om ne ang?

NG'THU K'THUUK~ 3:1

Ka hta, ka ning m’thein phung kä na m’hnih vai, na bia vai ah ka ning m’thein cu angtäi sei na shüm vai.

NG'THU K'THUUK~ 4:5

Cüvai nak gah vai ah na m’lung ung na tha vai, ka pyen cu kä na m’hnih vai kä na nawng en vai.

SAM 119:83

Meikhu thuk ciah savun um ah mäih ah, kei cu a i ah kä ka mawng ci; cun ung phi na thumkhän cu kä ka m’hnih ci.

SAM 119:16

Kei naw na thukhän ung yei nak ka gah ci; Na thumkhän gui cu kä ka m’hnih khai.

JOB 34:31

Na katnak gui cu Khanpughi ah ma ah na ng’kia ne ang? Kat nak kä na bi ba khai ah shaitak nak na bi ne ang?

LUKA 24:6

Ani shin ung kä om ba ci, ghing ne tho ba pyi ci nei. Kalile kho ah a om yah ung;

LUKA 24:8

Cun kawn ah hnumi gui cu Bawipa Jesuh ah ng’thu gui man shüm law ba u netah;

SAM 119:67

Nang naw kä na na m’kyuk pha ung kei cu ka cheishoh lä ci, cun ung phi tuhbäi na thu ka ngai ci nei.

NG’ÄI KYAH 3:39

Mikmi mi katnak ah phäh ah m’kyuk nak mi gah law ung, a i ah kyasei mikmi ng’thu mi m’da ang?

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

1 TIMOTHI 1:20

Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.

HEBRU 13:22

Phäi nau gui aw, shin ah k’tha peit nak cu hnimgei ne nami ngaih vai ah ka ning paa nah gui ci nei. Tuhbäi ca ka ning guk law gui cu kä ng’sau aih hnga ci nei.