HEBRU 12:3 - Cho Bible Common Language 2016

³ Chang shekhaa gui naw a i hlawk ah ami thüigen nak cu ngaih tüh u netah, käng yocho käm lungksi phung ne nami om vai nei.

HEBRU 12:3 Referans Kwoze

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

THU PHLAAN 2:3

Nang cu hniimgei nak om ci, kei ah hmawk ah ang htei ah na yaica ci, kä nam lungksi ci,

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

HEBRU 12:5

Khanpughi naw a hta ah ning k’hmoh gui ne, k’thamah nak pe ne a ning thu püi gui cu, nami m’hnih ei ci maa? Cun ah thu cu; “Ka hta aw, Bawipa naw a ning m’düng ung, Ngai ne na läk vai nei, A ning m’cäi ung kä na thüisei en vai nei,

LUKA 14:1

Kyin nak ah hnüüp ät ung Bawipa Jesuh cu Pharisee ang vai tumat ah im ah ei ei tuk khai ah hteit ci: cun yah ung Bawipa Jesuh cu chang gui naw adäm ah m’kein ci gui.

THULÄÄN NAK 20:3

‘Israel chang gui ngai vä, Tuhngawi nangmi cu ng’tuk nak ung nami hteit lawk khai, nami ga gui kä nami kyih en gui vai. Nami tha kä a maih en vai ah kä nami dängphai en vai.

2 THESSALONIAN 3:13

Cun ung phi phäi nau gui aw, akni nami bi nak ah hmawk ah kä nami cümbawng phung vai nei.

JOHAN 18:22

Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

NG'THU K'THUUK~ 24:10

Nang cu küikyang ciah akhin ung na tha aken ung akcang ah na tha ken khai.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

JOHAN 8:13

Pharise gui naw, “Nang cu na mät ah hmawk ah na saksi ci, cun ah kyasei ngaih gep vai kä kyak ci” cik ci gui.

JOHAN 7:12

Chang akda naw ani ah mawng cu adüm düm ah pyeinsak ci gui. Amshah naw, “shin ah chang cu changninei” cik ci. Amshah naw, “Chang ni ah kä kyak ci, chang m’hleehlak ciah chang nei” cik ci gui.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

LUKA 15:2

Pharisee gui la ng’thukhän saya gui naw, “Shin ah chang cu changshe gui dou gui ne, a täng ah ei awk püi gui ci nei” cine pyeinsak ci gui.

LUKA 5:21

Pharisee gui la Saya gui naw, “Khanpughi bäng naw vah shetkat nak phiawn hning ci, shin ah mäih ah ng’thu lawk ci, shin ah chang a u ang?” cine ngai ne ami mät ng’ce ng’cäk ci gui.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

MATTHE 22:15

Cun kawn ah pharisee gui cu hteit ba u netah, ani cu a i i ah thuvi ne ng’shi vai ang’ cine ng’gepai ci gui.

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

MATTHE 15:2

“A i ah kyasei nang düihpüi gui naw pupa gui ah thungyo man cu kä ami läk ang? ngami cu thungyo man ah kut käm si ah ei ei ci gui nei,” cine pyein ci gui.

MATTHE 12:24

Cun ami cicu pharisee gui naw ng’ya u netah, “Shin ah chang naw khoshe gui ah bawimang Beeyebul ah ming awn nei khoshe gui cu ak täm hning,” cine kyak ci gui.

MATTHE 11:19

Chang ah Htapa cu ei ne, aw ne law sei phi, nangmi naw, ‘Teng tu vä, shin ah chang cu, ei aih aw aih ci nei. Akhawn look ci gui la changshe gui ah teihpüi ah kyak ci nei,’ cine nami pyein ci. Khanpughi ah hmuhmat nak akcang ah a kyak cu, acun ah hmuhmat nak ungka gawk lawk ciah, a mawng gui naw ng’dang sak ci gui nei” cine pyein ah gui ci.

JOHAN 9:40

Bawipa Jesuh a pei ah om ciah pharise gui naw, Bawipa Jesuh ah ng’thu cu ng’ya u netah, “Keimi mä kami mik m’dauh ciah na pyein ci ma?” cine ng’shik ci gui.

JOHAN 10:20

Chang amshah naw, “Ani cu khoshe ah kai, ak gu nei, a i vai ang thu nami ngaih ang” cik ci gui.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.