HEBRU 12:29 - Cho Bible Common Language 2016

²⁹ A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

HEBRU 12:29 Referans Kwoze

THULÄÄN NAK 4:24

A i ah kyasei ci ung Bawipa nami Khanpughi cu mei däi ah mäih ah kyak ci, ani cu a u naw phi ng’länna püi ne kä gah ci.

THULÄÄN NAK 9:3

Cun ung phi tuhbäi nami mät naw nami hmuk khai, Bawipa nami Khanpughi cu mei m’lei ah mäih ah nami ma ung hteit khai nei. Ani naw nami ma ung hnim gui khai nei, cun ah kyasei a shaitak ah mäih ah nangmi naw ng’ghit ah k’täm gui u ne, nami m’di gui khai nei.

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.

DANIEL 7:9

Kei naw ka teng sangung mang im kyong ah mang kiang gui ka hmuk ci. Mang kiang tumat ung angtäi ghing ci tumat ngok ci. Ani ah suisak gui cu khüi ah mäih ah bawk ne, alu sam cu htome ah mu ah mäih ah kyak ci. Mei ah däi ciah ping gui ah khan ah mang kiang cu mei ah cang ci.

SAM 97:3

Mei däi cu ama ah hteit ne, a pei leng ah a ga gui cu ui gui ci.

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

KHEI NAK 11:1

Chang gui naw ami yaica nak ah mawng pyen ne Bawipa ah ma ah chiu m’da ci gui. Cun cu Bawipa naw ng’ya neta, m’lungshe ne, chang gui ah khan ah mei yuk chah lawk ci. Cun ah mei naw ui gui ne, shaum pigaw ah vangtäng a mawng cu m’di ci.

PHYAWN NAK 15:7

Na m’khüt nak ah näng nak awn na ga gui cu na küm gui ci; Na m’lungshe nak cu mei ah lut law ne khu chawng ah mäih ah ui gui ci.

2 SAMUEL 22:9

A hna khui ung meikhu khu lawk ci, Am gawng ung m’hleim ciah mei däi la ui ciah mei cak khu ci.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

EZEKIEL 38:19

Kei naw angdang ah ka pyen cu, cun ah hnüüp ung kei ah ka m’lungshe nak ah ang ling naw Israel khaw cu aknui ah shipi ah thüng sak khai.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.