HEBRU 12:28 - Cho Bible Common Language 2016

²⁸ Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

HEBRU 12:28 Referans Kwoze

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

SAM 2:11

Bawipa cu kyih ne a khuut bi vä; Ng’hlet ne a ma ah kawp vä;

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

SAM 19:14

Ka thu la ka m’lung ngaih cu nang ah dou thei vai ah kya sä, O Bawipa ka ng’yii nak la ka Hunbawi!

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

1 PETER 2:20

Nangmi cu nami cheishoh nak ah hmawk ah ng’lüm ne geinvai nak nami aut ah phäh ah ning m’hlüngtai gui vai, a i kä om ci nei, cun ung phi düng nak nami bi ah hmawk ah geinvai nak cu ng’lüm ne nami aut läi ung, Khanpughi naw bä nak ning m’shumphyuk gui khai nei.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

HEBRU 10:19

Cun ah kyasei ka phäinau gui aw, Bawipa Jesuh a sih nak awn mik mi cu kümbe ciah pängye ne Hmun Theing Säih ung mi gawk ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

NG'THU K'THUUK~ 28:24

Nupa ah khawh m’guk cu ka hma ciah ngai ciah chang cu ahei m’guk ei gui ah ta kaa pia ci.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

EPHESIAN 5:10

Bawipa ah a yei kiai nak cu nami theithang vai nei.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

LUKA 1:33

Ani cu Jakob ah hta ng’shon ung ngawi yä ghangpughang ah kiak khai, a uknak cu kä düt hlawt khai” cine pyein ci.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.