HEBRU 12:25 - Cho Bible Common Language 2016

²⁵ Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

HEBRU 12:25 Referans Kwoze

HEBRU 8:5

Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

NG'THU K'THUUK~ 13:18

A i kä ng’theithang cicu dukhaih nak la khüikha nak om ci. M’shungdüng nak ngai ciah chang cu chang m’sui nak om ci.

THULÄÄN NAK 30:17

Cun ung phi nangmi cu ani kä läk ne ngaih vai ah ma u ne, a hei khanpughi gui khawihnah vai ah a hei ah nami hteh ah a kyak ung,

PHYAWN NAK 20:22

Bawipa naw Moses cu Israel gui a pyen nak gui vai ah thumkhän ci; Kei, Bawipa naw khankho ah kaa naw a i hawkcha ah ka ning thu püi gui cu na hmu pyi ci.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

NG'THU K'THUUK~ 8:33

Ning m’theithang cu na ngaih vai. Na cüivai vai, kä na nawng en düt vai.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

NG'THU K'THUUK~ 1:24

Kai naw ka ning khü gui pyi ci, nami law vai ah ka ming la gui ci. Cun ung phi kä nami na ngai ci. Kei cu a i ah kä nami na sui ci.

2 SHONTÄP NAK 7:19

Cun ung phi nang la na chang gui naw ka ning pek gui ah thukhän gui la thumkhän gui cu angtäi sei kä läk u ne, a hei khanpughi gui ami khawihnah ah a kyak ung,

1 GHANGPUGHANG GUI 12:16

Chang gui naw ghangpughang naw a i ah kä a ngaih gui cu hmu u neta, m’lau ci gui, “David la akyong chang cu nawng gui vä! Ngami naw mikmi ah phäh a i ang ami na bi pek gui man? Israel chang gui, mi im ah mi hteit ba khai nei! Rehoboam naw amät naw amät teng sä!” Cun ah kyasei Israel chang gui naw hnungtuk püi u ne,

JOSHUA 22:16

Bawipa ah chang bum avan ah phäh ah ng’thu pyen ci gui. Ngami naw ami pyen nak gui cu, “A i ah kyasei nangmi naw Israel Khanpughi hnungtuk püi ne, akshe nami bi ang? Nangmi naw nami mät ah hmawk ah shin ah sonkiang nami cawh nak awn Bawipa cu nami hnungtuk püi ci nei! Nangmi naw ani cu kä nami läk law ba ci nei!

KHEI NAK 32:15

Tuhbäi nangmi Reuben la Kad chang gui naw tuhbäi ani läk vai ah nami ma ah a kyak ung, shin ah chang gui ami van cu bung hmu ah ani naw nawng ba gui mä khai, ngami ah dishum nak cu nang naw avan na ma nak khai.

PHYAWN NAK 16:29

Nami shüm ba vai, kei, Bawipa naw, düm nak hnüüp ka ning pe gui ci, cun ah kyasei a chuk hnüüp ung, kei naw hnüüp goi nami ei vai ka ning pe gui khai. A chih hnüüp ung van a om vai, a u naw im kä a phlän en vai” cine m’thein ci.

2 TIMOTHI 4:4

Ngahmi cu Thucim kä ngai u ne, pumah awi düt ngai lawk khai gui nei.

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

LAMKTU 7:35

Moses cu Israel chang gui naw ami hnu nak ah chang ah kyak ci. Ngah mi naw, “Keimi na uk gui neh na na ng’thumcha gui khai ah a u naw a ning m’düih ang?” cine, ng’shik ci gui. Ani cu chang gui uk gui neh mei ah däi ciah k’plup ung dang ciah khankho chang ah bi nak püi awn, ak chang gui k’phiawn gui khai ah Khanpughi ah tüih ah kyak ci.

EZEKIEL 5:6

Cun ung phi Jerusalem naw kei ah thumkhän gui cu hnungtuk ne küknet ci ani naw a hei pakhui khaw gui ah ta a shetkat tuba cu m’dang ne, ani koi ciah khopäng gui ah mä ng’thu kä a läk tuba ah mawng cu m’dang ci. Jerusalem naw ka thumkhän gui cu hnungtuk ne ka thukhän gui läk vai ah mak ci.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

ISAIAH 64:9

Cun ah kyasei keimi ah khan ah kä m’lungshe aih en ä, keimi na hnungtuk püi gui ne kami katnak ngawi yä kä k’pang en ä. Keimi na na chang gui nei, keimi na m’gein gui ä.

ISAIAH 48:6

Kei naw ng’dawt ne ka pyen gui avan tukbäi kya law pyi ci: kei ah ka ng’cängbang gui hman ciah tuhbäi nami ng’kia vai. Lawk khai ah a mawng ak thai gui la kä ka m’than pha ah amawng gui cu Tuhbäi kei naw ka ning m’thein gui khai.

NG'THU K'THUUK~ 15:32

Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

HEBRU 3:17

Khokum phli-kip ung Khanpughi naw am lung she nak gui cu a u gui ang? Cheishoh nak bi ne pui kiang ma ah kyu ne sik ci gui ah kiak ci nei.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

THU PHLAAN 22:9

Khankho chang naw, “Shik cha ah kä na bi vai, kei cu nang ah püipaw ah ka kyak ci, na phäi nau purofet gui la shin ah cauk ung om ciah cacim läk ciah chang gui ah püipaw ah phi ka kiak ci, Khanpughi bäng na khawihnah vai nei” ci na kyak nak ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

THULÄÄN NAK 4:36

Ani naw khankhaw ah ak aw cu ning yak sak gui ci, cun ah kya ne ani naw ning shümthein gui hning ci. Shin ah m’dek khan ung amät ah theingcim ciah mei cu ning hmuh sak gui ci, acun ungka naw ning thu püi gui ci.

THULÄÄN NAK 18:19

Ani naw kei ah ming awn ng’thu pyen khai, ani ng’ngaih vai ah maa nak ciah chang phung cu kei naw kam kyuk khai.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

HEBRU 12:19

phyungheng tum k’aw la khankho k’aw ang thang law nak ah kyak ci. Chang gui naw cun nah k’aw ng’yah u netah, cun kawn ah kä ami ng’yak-en ba vai ah ng’coi ng’paa ci gui.

JOSHUA 22:15

Ngami cu Kilead khaw Reuben, Kad la Akyang täng Manaseeh chang gui ah law u neta,