HEBRU 12:18 - Cho Bible Common Language 2016

¹⁸ Nangmi cu Israel chang gui ah mäih ah tawnyap thei ah Sinai kho m’htung ung nami gawk ciah kä kyak ci. Cun ah m’htung cu mei m’lei tawt ne, kho m’than ne, puikho khi ne,

HEBRU 12:18 Referans Kwoze

THULÄÄN NAK 4:11

“A u hawkcha ah nami hteh hton la khomik pha ne mei ah däi ci la shah ne, hmüp ne, khu ciah mei naw a khüm ah m’htung hneit ung nang düih cu nami hta nau gui am nami m’thein gui vai.

PHYAWN NAK 20:18

Chang gui naw khaw hmum la phyungheng ah ng’gin cu ng’ya u ne, khaw lailäp la mei ah khu ciah m’htung cu hmu u neta, kyi ne ng’hlet ne, ang shawng ah ng’düi ci gui.

2 TIMOTHI 1:7

Khanpughi ah nam shumphyuk gui ah Mumcha naw mikmi cu kä na ng’yawm sak gui ne; cun ah Mumcha naw hlüngtai nak, m’hni nak la htingling nak cu na pe gui ci.

2 KORIN 3:9

Shet m’kat nak ah thukhän hngaw bämang nak a om ung; Hun nak pek ciah hnünthawh nak cu a i hlawk ah bämang pi khai ang!

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

THULÄÄN NAK 5:5

Cun sang ung kei cu ani ah pyen ka ning m’thein gui khai ah nangmi la Bawipa ah ng’lak ung ka ng’düi ci. A i ah kyasei ci ung nangmi cu mei kyih u ne, m’htung ah kä nami hang kai ci.” Bawipa naw pyen ci,

2 KORIN 3:7

Lung ung guk ah thukhän a peit yah ung Khanpughi ah bämang nak cu deikhang ci. Cun ah deikhang nak cu Moses ah hmai ung ang shu law pipi ung phi, ang htei ah ng’shü sei, Israel chang gui naw kheing ne kä teng hkawt ci gui. Sih nak law püi ciah thu khän hngaw, shin ah mäih bämang nak awn a peit ah a kyak ung,