15 Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.
Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.
Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.
Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.
Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.
Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.
Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.
Cun ah kyasei düm nak gah vai ah mik tha nak khai nei. Cun ung kä a mi yum ah hmawk ah düm nak kä gah ci gui ah Israel chang gui ah kä mi kyak khai nei.
Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.
Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.
Nangmi cu Khanpughi ah chang ah nami kyak ci kyasei, pletbeng nak, shetkat nak a hlü hlü la ng’yak hlü aih nak gui ah mawng cu, a pyein pang ah phi kä nami pyein vai nei.
Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.
Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.
Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”
Cun ung phi m’di vai phung cu api phi kä nami lak vai, nami lak ah a kyak ung khüikha nak la dishum nak cu Israel chang phung ung nami law püi ciah kyak khai.
Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.
Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.