HEBRU 12:12 - Cho Bible Common Language 2016

¹² Cun ah kyasei cüüm ciah nami kut cu m’cün u ne, gho ciah nami m’khuuk cu khüi sak vä.

HEBRU 12:12 Referans Kwoze

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

HEBRU 12:3

Chang shekhaa gui naw a i hlawk ah ami thüigen nak cu ngaih tüh u netah, käng yocho käm lungksi phung ne nami om vai nei.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

EZEKIEL 21:7

A i ah kyasei na ng’hlaw ei ah ami ning shi law ah a kyak ung, ng’thu gawk law sei nei, cine na m’thei gui vai. Cun a gawk law ung, ngami ah m’lung cu kyih nak awn be khai, ami kut gui cu gung ne ng’bat khai, ami hnawk tha cu kya yawp khai, ami m’khuuk gui cu ng’tum khai. Akhin cu gawk law ci nei, cun cu a shin ung nei.” Uktu Bawipa naw a pyen nei.

HEBRU 12:5

Khanpughi naw a hta ah ning k’hmoh gui ne, k’thamah nak pe ne a ning thu püi gui cu, nami m’hnih ei ci maa? Cun ah thu cu; “Ka hta aw, Bawipa naw a ning m’düng ung, Ngai ne na läk vai nei, A ning m’cäi ung kä na thüisei en vai nei,

EZEKIEL 7:17

Chang pang ah kut cu k’tha ken ne, ami m’khuuk cu ng’tum khai.

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

DANIEL 5:6

Ani cu a hmai ng’ham sei kyikyawk ne, am khuuk phi ng’tum ci.

SAM 109:24

A ei kaa ah om ng’ä sei, ka m’khuk cu ng’tum ci, ka vun la ka guh bäng om ba ci.

ZEPHANIAH 3:16

Jerusalem am thu ami pyen nak vai a khin gawk lawk ci nei “Zion mang gaw kä na kyih vai, na kut kä na chaak phung vai!