HEBRU 12:11 - Cho Bible Common Language 2016

¹¹ Hma m’kyuk nak mi gah cu yeikyai vai ah kä kyak ci, thüisei vai ah kyak ci. Cun ung phi cun ah hma m’kyuk nak naw ang shung sak pyii ah chang cu chang k’ni ah kya ne dinggei ciah ghin nak gah ci nei.

HEBRU 12:11 Referans Kwoze

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

1 PETER 1:6

Nangmi cu yaica geinvai nak a hlü hlü om sei tuhbäi nami thüisei ung phi, ak khan ah a mawng gui cu ngai ne yeikyai vä.

HEBRU 12:10

Akhin ak tawi hta ah kyong ung hnicim chang mi pa naw bä ciah ang ngaih ah nam cäi gui ci; Cun ung phi Khanpughi naw mikmi ah mi kyom nak vai hmawk ah amät ah mäih ah mi theingcim vai ah nam cäi gui ci.

SAM 118:18

Ani naw kei cu aknui ah na m’kyuk ci, cun ung phi kä na sih sak ci.

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

NG'THU K'THUUK~ 19:18

Na hta gui cu ng’thei thei khai gui ah ami hmaw yah ung na m’shumthein gui vai, ka cun ung ami mat naw ami mat ami m’di vai ah na m’thein gui ciah kyak ci.

SAM 119:165

Na thukhän m’hni ci gui ung kümbe ciah ngaih gep nak om ci, Ngami yu ng’kyak sak gui khai a i phi kä om ci.

NG'THU K'THUUK~ 15:10

Nang cu cheishoh nak na bi ung akda vei m’kyuk nak na gah khai. Na mät naw na mät kä na m’shung düng ung nang cu na sik khai.

HEBRU 5:14

Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

SAM 89:32

Kei naw ami katnak cu ka m’kyuk gui khai. Ami cheishoh ah hmawk ah ka geinvai sak gui khai.

2 PETER 2:14

Ngahmi cu hlahhlawng ciah hnumi bäng teng hlü u ne, a i awn käng büh hlawt ci gui. Ngami naw ayum nak kä htek cicu m’vam ung kyak sak ci gui, ami m’lung naw a i baw m’hni aih ci, Ngahmi cu Khanpughi ah k’phyun nak gah ci gui!

ISAIAH 19:22

Bawipa naw Egypt gui cu m’kyuk gui kahi, cun ung phi gai sak ba gui khai. Ngami cu ani ng’hlat lawk khai gui, ani naw taigü cu ng’yak pe gui hlat lawk khai.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

ATÜNNAK 21:11

Ishmaela cun phi a hta ah kya khäta Abraham cu ang htei ah yaica ci.