HEBRU 11:8 - Cho Bible Common Language 2016

⁸ Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

HEBRU 11:8 Referans Kwoze

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

ROMAN 10:16

Cun ung phi Thu Ni cu chang van naw kä dou ci gui. Isaiah amät naw, “Bawipa, Keimi ah thu pyein cu a u naw yum ci ang!” cine pyein ci.

ISAIAH 41:2

“Akhei täng ah ka ng’näng ciah chang law püi ne, a hteh nak päng ah ng’näng ciah chang law püi ne, a hteh nak päng ah ng’näng sak ci cu, a u ang? Ghangpughang gui la chang pakhui gui ah khan ah anäng nak pek cicu a u ang? Ani ah khimsem naw ngami cu m’vut khui ah mäih ah tuhnim gui ci nei.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

ROMAN 6:17

Nang mi cu katnak ah khlei-htein ah nami kyak man ung phi, tuk bäi nami gah ah m’theithang nak cu, nami m’lung kyong avan nawn nami läk ah hmawk ah Khanpughi cu kam hlüngtai ci.

EZEKIEL 36:24

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

JOSHUA 24:3

Cun kawn ah kei naw nami pughi Abraham cu Euphratis kaan nak ah khaw ungka la ne, Kanaan khaw avan ung ka gawk sak ci. Kei naw ani am htangshon akda ka pek ci. Issak ka pek ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

ATÜNNAK 15:5

Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.

1 PETER 3:1

Acun ah mäih ah, hnumi gui, nami cei ah pyein ah nami om vai nei. Cun ung vah nami cei naw Khanpughi kä ah yum tu te ah a kiak ung phi, nami om ih hnünthawh naw thu m’kha ät kä nami pyein ung phi, yum law tu sak khai nei.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

ATÜNNAK 11:31

Terah naw a hta Abram ni, Haran ah hta atu Lota ni, A hta Abram ah chu Sarai ni cu hteh püi gui ci. Ngami cu Babilonia khaw, Ura gawnu nawng shüt u ne, Kanaan khaw ah hteit ci gui. Ngami cu Haran ah gawk ne aca om ci gui.

ATÜNNAK 12:5

Abram cu akchu Sarai la atu Lotah ni, a changshäm gui ni, a khawh cham gui ni pawng püi ne, Haran khaw ungka naw Kanaan khaw ah hteit ci. Ngami cu Kanaan khaw ah gawk u neta,

ATÜNNAK 20:13

Khanpughi naw kapa ah im ungka a khaw hei ah ana hteh sak yah ung, kei naw, “Nang naw kei ah khan ah na bekhüt nak na m’dang vai cu, kei cu na na phäi ah pyen ne chang gui am na m’thein tu vai nei” cine ka m’cäi ah kyak ci.

KHEI NAK 10:30

Hobab naw, “Ka, kei cu kamät ah khaw ah ka hteit ba khai nei” cik ci.

MATTHE 2:21

Josef cu tho law ne, ak hmaw la anu cu Israel kho ah hteh püi ba goi ci.