HEBRU 11:6 - Cho Bible Common Language 2016

⁶ Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

HEBRU 11:6 Referans Kwoze

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

LUKA 12:31

Cun ah kyasei, Khanpughi ah uknak kho cu akhtük bäih ah nami shui vai, cun ung shin gui cu ning pe gui khai.

SAM 119:10

Ka m’lung kyong van awn na khut bi vai ah ka tha nak ci nei; Na thumkhän ka läk nak hning vai ah na kutshum ä.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

ROMAN 10:14

Cun ung phi ngami naw kä ami yum ung a i chaa khü ne ng’yoi khai gui ang! Thu pyein kä a mi ng’yak ung, a i chaa yum khai gui ang! Thu ng’shäu ne pyein ci kä a om ung, a i chaa ng’yak khai gui ang!

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

SAM 73:28

Cun ung phi kei ah hmawk läi ah, Khanpughi awn ng’et ne, uk ciah Bawipa shungvong nak hmu ne, ani ah bi phung ng’shäu cu cäcat vai ah kyak ci nei!

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

2 PETER 1:5

Cun ah kyasei nami yum nak cu nikiom nak awn, nami nikiom nak cu Lulang nak awn,

HEBRU 4:6

Cun ah Thuni ng’ya law htük ciah chang gui naw cun ah hüi nak cu kä gah ci gui, a i ah kyasei ci ung ngami naw kä ami yum ah hmawk ah kyak ci. Cun ah kyasei cun cu a hei gui naw gah ci gui nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

HEBRU 7:19

Moses ah thukhän naw a i phi kä kümpäng sak hlawt ci. Tuhbäi mikmi cu bä pi ciah ngaih u nak mi gah pyii ci kyasei, cun ah ngaih u nak awn Khanpughi ah pei ah mi ng’et lawk ci.

SAM 78:32

Shin ah amawng gui om pang sei phi chang gui cu akshe bik ci gui; cäi aih vai gui m’dang pang sei phi ani ung kä ng’ap ci gui.

HEBRU 4:2

Cau ng’vai gui ah mäih ah mikmi naw Thuni cu mi ng’yak ci nei. Ngami naw Thuni cu ng’yak ci gui, cun ung phi ngami ah phäh ah a bäkhäk nak kä om ci. A i ah kyasei ci ung ngami naw ng’yak u ne phi yum nak awn kä ami dou ah hmawk ah kyak ci.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

KHEI NAK 20:12

Cun ung phi Bawipa naw Moses la Aaron cu k’ceet goi ci. Ani naw, “Israel chang gui ah ma ah theingcim ciah ka huham ng’dang khai ah nami bi nak hning yumnak nangmi ung kä om ci, kei naw ka pek gui vai ah shai ka tak ah khaw ung gawk khai ah nangmi naw lam kä nami shüm hning khai,” cik ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

MAKUH 16:17

Zum ciah chang gui cun naw cäi aih vai bi nak hning ah hlüngtai nak gah khai gui. Kei ah ming awn khoshe phi k’täm khai gui, thu a hlü hlü phi pyein hning khai gui,

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

ISAIAH 7:9

Israel cu Samaria, amät ah mang gaw tung ah ta kä khüi ghat tuba ci. Samaria cu Ghangpughang Pekah a hta kä khüi ghat tuba ci. “Nami yumnak kä a khäng htek ah akyak ung, nangmi kä nami khäing htek khai.”

SAM 58:11

Chang gui naw, “Düng ci gui naw m’cümhnah akcang gah ci gui; m’dek khan m’khoi m’chak ciah Khanpughi cu akcang ah om ci nei” cik khai gui.

LUKA 6:35

Nangmi cu nami gaa nami m’hni vai, chang ah khan ah akni nami bi vai. Gah ba vai ciah kä ngaih u en ah nami ng’pu tu vai. Cun ah nami bi ung nangmi cu hlüngtai ciah m’tamkhah nak gah ne, hlüng pik’bäih ciah Khanpughi ah hta ah nami kyak khai. Cun ah Khanpughi cu m’gein nak kä hmat ci gui la changshe gui ah khan ah akni bik ci.

SAM 106:24

Cun kawn ah ngami cu Khanpughi ah shaitak kä yum ci gui ah kya ne, khoding kho cu hnu nak ci gui.

JOB 21:14

Chang shekha gui naw ami mät om khai gui ah pyen ne Khanpughi m’thein ci gui. Ngami naw ami ghin nak ung ani ah ng’yak hlü cu kä hmat hlük ci gui.

SAM 78:22

A i ah kyasei ci ung ngami ung ami yum nak kä om sei, a hun gui cu kä yum ci gui.

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

MATTHE 11:26

Kapa Khanpughi, cun gui cu nang na mät ah ng’yak hlü ah kyak ci,” cine pyein ci.