HEBRU 11:5 - Cho Bible Common Language 2016

⁵ Khanpughi naw Enok akghing ah a kai püi cu, a yum nak awn ah kyak ci. Ani cu Khanpughi naw akghing ah akai püi ah kya ne a u naw shui ne kä hmu ba ci. Khankho ah kä a kai pha ung Enok cu Khanpughi naw yei na aih ci, ciah cacim theing ung om ci.

HEBRU 11:5 Referans Kwoze

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

2 GHANGPUGHANG GUI 2:11

Ngani cu hteit lai lai ne ani ng’htau sang ung; ang ghit ah meidäi yatha, meidäi ng’se gui ah kaih cu ani ng’lak ung gawk law ne, kuiphak ah khi ne, Elijah cu khankho ah hteh püi ci gui.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

SAM 89:48

A u chang cu ka si ne ghing hlawt khai ang? A u chang naw ng’cim hmun ung ka amät k’phyawng hlawt khai ang?

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

LUKA 3:37

Lamek cu Methuselah ah hta, Methuselah cu Enoch ah hta, Enoch cu Jered ah hta, Jared cu Mahalaleelah ah hta, Mahalaleelah cu Kenan ah hta;

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

2 GHANGPUGHANG GUI 2:1

Bawipa naw Elijah cu khokhi kuiphak awn khankho ah akai püi nak vai ah akhin cu gawk lawk ci. Elijah la Elisha cu Kilkala ka naw lawk ci goi.

LUKA 2:26

Mumcha Theing cu ani awn a täng ah om ne, “Nang cu Khanpughi ah shaitaak ah Messiah kä na hmuh pha ung kä na sik khai” ci ne am cäi ah kyak ci.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.