HEBRU 11:37 - Cho Bible Common Language 2016

³⁷ Ngami cu lung awn ami vawih gui, m’si awn ami m’chün gui, khim awn ami ngawn gui ah kyak ci. Ngami cu pyamthaam u ne, dukdeiu nak la m’lung ah geinvai nak gah u ne, htome la me ah vun suisak ci gui.

HEBRU 11:37 Referans Kwoze

2 SHONTÄP NAK 24:21

Ghangpughang Joash cu Zechariah hnungtuk püi ci gui ung ng’dawn tu neta, ghangpughang ah thuk’bäi awn chang gui naw Taigüim hmun kyong ah Zechariah cu lung awn vawi ne ngawn ci gui.

JEREMIAH 26:23

Ngami naw ani cu ghangpughang Jehoiakim ah law püi ba u khäta, ani cu ngawn ne apumsa cu chang gui ah ng’cim hmun ung gawt ci.)

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

2 GHANGPUGHANG GUI 1:8

Ngami naw, “Ani naw savun awn pyan ah suinu sui ne, mehvun kheipat awn ng’pat ci” cik ci gui. Ghangpughang naw, “Cun cu Elijah nei” cik ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

2 KORIN 12:10

Kei cu Bawi Khrit ah hmawk ah tha ken nak, ghingshe nak, geinvai nak, k’dudei nek, la tüihtok nak gui ka aut ung phi, kei cu kak tha a ken yah ung kak thamah ba pi ci nei.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

MATTHE 21:35

Lo ng’vat ci gui naw ak changshäm a tüih gui cu pha u netah amshah cu that ne, amshah cu ngawn ne, amshah cu lung awn vawi ne cik ci gui.

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 3:4

Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

1 GHANGPUGHANG GUI 19:14

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang ah bii bäng nei ka bi. Cun ung phi Israel chang gui naw nang awn ng’thukhän cu m’shet u ne, na sonkiang cu phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei” cik ci.

1 GHANGPUGHANG GUI 19:1

Elijah naw abi gui phung la Baala prophet gui avan a ngawn gui ah mawng cu Ghangpughang Ahab naw akchu Jezebela am m’thein tuk ci.

1 GHANGPUGHANG GUI 18:13

Nang naw na ng’yak khai nei, Jezebela naw Bawipa ah prophet gui a ngawn gui sang ung, prophet phia cu hmakip ciah k’pai ne lungkhui ung thup gui ne, tui la ei cu ka tumbei gui ci nei.

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

2 SAMUEL 12:31

Chang gui phi hlawh gui, k’tu shep, ghei shep la uk ng’shai cu ang ghit ah bi sak gui ci. Ani naw a hei Ammon gawnu gui ung chang gui phi acun ah bi sak gui ci. Cun kawn ah ani la a chang gui cu Jerusalem ah hteit ba ci gui.

1 GHANGPUGHANG GUI 19:13

Elijah naw cun cu ng’ya neta, a suinu awn a hmai shung ne, lungkhui valuh nak ung hteit ne ng’düi ci. Ng’thu k’aw naw a pyen nak cu, “Elijah, shin ung a i ang na bi?”

1 GHANGPUGHANG GUI 19:19

Elijah cu acun ungka naw hteit neta vantang bum awn lai thawn ne om ciah Elisha cu hmuk ci; ani ah ma ung vantang bum gha lei ät naw lai thawn ci, ani cu ak hnu bäih bum ät awn thawn ci. Elijah naw a suinu cu suut neta Elisha am m’sui ci.

2 GHANGPUGHANG GUI 2:8

Cun kawn ah Elijah naw a savun suinu cu suut ne k’chaw neta, a cun awn tuinu that sei, tuinu cu ng’pai ci. Ani la Elisha cu m’dek hu ung kan ne cäga ah va kai ci goi.

2 GHANGPUGHANG GUI 2:13

Cun kawn ah ani naw Elijah ungka ng’suut ne kya lawk ciah a suinu cu kaw neta, Jordan tuinu kem ah hteit ne ng’düi ci.

1 SHONTÄP NAK 20:3

Ani naw mang gaw ungka chang gui cu hteh püi gui ne, Hlawih ni, k’tuu ni ghei ni kawh sak gui ne bii bi sak gui ci. Ani naw Amon ung a hei gawnu gui avan ung phi acun ah bi sak gui ci. Cun kawn ah ani la a chang gui cu Jerusalem ah hteit ba ci gui.

ZEKHARIAH 13:4

Cun ah khin a gawk law ung a u prophet phi amik hmuh awn kä khähghah khai, prophet ah mäih ah kä bik khai, chang gui ah ma ah gai ne prophet ah ghaat ciah suinu cu kä sui khai.

HEBRU 11:25

Ani naw shetkat nak ung a shäng ng’len ne om ah k’dam, Khanpughi ah chang gui awn a täng ah yaica nak gah cu bä pi khai ah ngai ci.

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.