HEBRU 11:36 - Cho Bible Common Language 2016

³⁶ Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

HEBRU 11:36 Referans Kwoze

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

ATÜNNAK 39:20

Joseph cu pha ne, ghangpughang naw chang gui a chum nak ah thawng ung chum u sei, thawng ung chuum ci.

2 SHONTÄP NAK 30:10

Thukpüi gui cu Ephraim la Manasseh pakhui khopäng mang gaw nü ung, a siiptäng Zebulun pakhui kho ung khüt sei hteit ci gui, cung phi chang gui naw gaih tu gui ne, päipih gui ci gui.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

JEREMIAH 20:7

Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 5:18

Ngami naw ang düihgui cu pha gui ne, thawng ung chum gui ci gui.

LAMKTU 4:3

Cun ah kiah seih ngah ni cu pha gawi u ne acun hnüüp kho mü khätah a ngawi ung, khaw ngawi güt thawng ung chum gawi ci gui.

LUKA 23:36

Gakap gui cun phi yu aktai tu u netah,

LUKA 23:11

Herod la agakap gui naw phi, Bawipa Jesuh cu, päipih ne shedam nak ci gui. Cun kawn ah aktung ah m’sui m’sak netah Pilat bawi ah tüi ba ci.

LUKA 18:32

Chang ah Htapa cu changpakhui hei ah kut ung ap khai gui, päipih khai gui, ami m’shi awn m’thui khai gui;

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

MATTHE 27:26

Cun kawn ah Pilat naw, Barabbas cu k’phiawn ne Bawipa Jesuh cu tuthat netah, kutlamtung ung tai ne ami ngawn vai ah ap gui ci.

MATTHE 21:35

Lo ng’vat ci gui naw ak changshäm a tüih gui cu pha u netah amshah cu that ne, amshah cu ngawn ne, amshah cu lung awn vawi ne cik ci gui.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

JEREMIAH 38:28

Cun kawn ah kei cu Jerusalem ami khäm güt mang im väng ung na tha ci gui.

JEREMIAH 36:6

Cun ung phi cun kawn ah chang gui naw ei ami hlawi ba ung nang na hteh vai ah kei naw ka ng’ya hlük ci. Nang naw ca k’chaw cu m’lau ne na phat vai, cun ung chang gui naw Bawipa naw ana pyen nak nü la nang am m’cu ne ka ning m’thein cu ng’yak khai gui. Ami pigawnu gui ah ka lawic ciah Judah chang gui mah mah ah chang nü naw ang yak vai ah na bi vai.

JEREMIAH 29:26

Nang cu Jehoiada ah hnün ung taigü ah Bawipa naw ning m’düih ci Tuhbäi nang cu Taigüim ung Bawi angvaipi ah na kya kü Prophet ah ng’shei ciah akgu phung cu hmu teng ne m’sii gui awn a gawn ung pat ne na ci vai cu nang ah bi vai ah kyak ci nei.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 GHANGPUGHANG GUI 2:23

Elisha cu Jerikho ungka naw Bethela ah hteit ci, lam ah gawnu ah ka a hmaw gui cu law u neta ng’pyan nak ci gui. “Alu k’de nu shin ungka a hei ah hteit ä” cine m’lau ci gui.

1 GHANGPUGHANG GUI 22:27

Ani cu pang ne chum ne, kei phyawng gai ne ka gawk law ba güt ung m’htut m’bei ne tui nami tu vai nei” cik ci.

1 GHANGPUGHANG GUI 22:24

Cun kawn ah prophet Zedekiah naw Mikaiah ah hteit ne a hmai ung k’beeih neta, “A i yah ung nei Bawipa ah Mümcha naw kei na hteh ta neta nang a ning thu püi?” cik ci.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

JEREMIAH 32:8

Acun ah Bawipa naw a pyen ah mäih ah, Hanamela cu mang im väng kyong ah kei ah law ne, khaw ka hleih ah kei na ng’thu püi ciah ka hmat ci.

JEREMIAH 39:15

Kei cu mang im kyoug ah thawng ung ka kium yah ung Bawipa naw na m’thein ci,

2 SHONTÄP NAK 18:26

Ani cu kei phyawng ne kä ka law ba pha ah chuih thawng ung chum ne, m’htut la tui ami tumbei vai ah m’thein gui ä” cik ci.

DANIEL 11:33

Cüivai ciah ang vaihta gui naw chang akda am cüivai nak ah mawng m’thein khai gui. Cun ung phi kä shou pha sei amshah cu ng’tuk nak ung ngawn gui khai gui, amshah cu guttep u ne thawng ung chum khai gui.