HEBRU 11:35 - Cho Bible Common Language 2016

³⁵ Hnumi gui cun phi ami yum nak awn sih nak ungka ghing ba ciah ami pawchang gui cu gah ba ci gui. Amshah gui cu ng’pängye nak gui maa-en u ne, bä ci ciah ghin nak ung thawh ba vai ah, dukdeiu nak awn sih yawp ci gui.

HEBRU 11:35 Referans Kwoze

PHILIPPIAN 3:11

Cun ung vah kei cu sih nak ungka ka tho ba khai ciah m’lung üp nak om khai.

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

1 KORIN 15:54

Thuka thei cicu kä thuka thei ciah phi bäi, si thei cicu kä si thei ciah phi bäi, ang thon kawn ah, “Sih nak cu m’shiu ne m’di pyi nei, khütnäng nak cu kümbe pyi ci nei” ciah cacim cu akcang ah khüm khai.

LAMKTU 23:6

Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.

LAMKTU 22:29

Acun vai-am Paul cu ng’shica ng’thumcha tuk khai ah chang gui phi ng’hlat ba yawp ci gui. Paul cu Roman changpa ah a kyak ah mawng la ani m’sii gui awn pin ne ami khih ah mawng cu hmat netah, gakap ng’vaipi cu ang htei ah kyikyawk ci.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

JOHAN 5:29

ng’cim hmun ungka ami thawh ba nak vai ah a khin cu gawk khai nei; a om nik ci gui cu tho ba ne ghing ba khai gui, a om shek ci gui cu tho ba u ne phi shetkat nak gah khai gui nei.

LUKA 14:14

Cun ung nang ah khan ah yeikyai nak om khai, a i ah kya sei ci ung ngami naw nang cu kä ning tumbei tuba hlawt khai gui. Chang k’ni gui sih nak ungka ami thawh law ba hnüüp ung na bi nak cu Khanpughi naw ning m’thung ba khai.

MAKUH 12:25

Chang gui cu sih nak ungka ami thawh law ba hnüüp ung kä chu cei mah ba khai gui, khankho ah khanchang gui ah mäih ah kyak khai gui.

MATTHE 22:30

Chang gui cu sih nak ungka ami thawh law ba ung chungla nak kä om ba khai. Ngami cu khankho chang gui ah mäih ah kyak khai gui.

LUKA 20:36

Ngami cu khanchang gui ah mäih ah kya ne kä si ba hlawt khai gui Ngami cu sih nak ungka tho ba ci gui ah kya ne, Khanpughi ah hta ah kyak ci gui.