HEBRU 11:34 - Cho Bible Common Language 2016

³⁴ M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

HEBRU 11:34 Referans Kwoze

SUKI GUI 15:8

Ani naw ak nui ah tu gui ne, akda ngawn gu ci. Cun kawn ah ani cu hteit ne Etam lungsheng khui ung hteit ne om ci.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

SAM 144:10

Nang naw ghangpughang gui am näng nak pe ne, na changshäm David cu na gung ci.

2 GHANGPUGHANG GUI 6:32

Cun kawn ah Elisha cu phak khai ah chang tüi ci. Cun sang ung Elisha cu ang vaihta gui awn a täng ah ngo ne im ah om ci. Ghangpughang ah chang tüih kä a gawk law pha ung Elisha naw angvaihta gui a pyen nak gui cu, “Chang ngawn ciah chang naw kei na ngawn khai ah chang tüi lawk ci nei! Tuhbäi, shin ung a gawk law ung, shoh khai ne, ani kyong ah kä nami luh en sak vai nei. Ghangpughang amät cu ani ah hnu ah gawk lawk khai nei.

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

SAM 66:12

Nang naw kami ga gui am na na leh sak gui ci. Keimi mei la tui ah khan ah kami hteit ci, cun ung phi phyawn nak ah hmun ung na na hteh püi gui ci.

SAM 6:8

Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

JOB 42:10

Joba naw a teihpüi gui thumah phäh ah a k’taigü kawn ah Bawipa naw ani cu ng’bühmang ba sak ci, ayanka ah mä a goi ah däm khai ah pe ba ci.

JOB 5:20

Khaw a yaw ung ani naw ghin nak ning pek khai, ng’tuk nak a om ung sih nak ung ning shungvong khai.

1 SAMUEL 20:1

Cun kawn ah David cu Naioth, Ramah ungka naw Jonathan ah hteit neta, “A i ang kei naw ka bi? A i hma katnak ang kei naw ka bi? Kei a na ngawn hlü nak vai ah, a i hma nak ang na pa ah khan ah kei naw ka bi?” cine ng’shik ci.

PHYAWN NAK 18:4

Egypt ghangpughang naw ana ngawn vaisü te, kapa ah Khanpughi naw na m’htei ne na hun ci, ci neta tumat cu Eliezer ah sui ci.)

1 SAMUEL 18:11

“Pang ung m’khän ne ka hei vawi khai” ci nei Saul cu amät ng’htau neta, k’htei awn hnih vei vawi ci: cun ung phi David naw ana ng’shawn ghäm ghäm ci.

1 SAMUEL 19:10

Saul naw David cu ak htei awn pang ung khän ne vawi khai ah tha nak ci, cun ung phi David ana ng’shawn sei k’htei cu k’pang ung ng’cai ci. David cu dawng ne phyawng ci.

1 GHANGPUGHANG GUI 19:1

Elijah naw abi gui phung la Baala prophet gui avan a ngawn gui ah mawng cu Ghangpughang Ahab naw akchu Jezebela am m’thein tuk ci.

2 GHANGPUGHANG GUI 6:1

Hnüüp ät ung Elisha ah aka ung om ciah prophet gui naw ami pyen law cu, “Kami om nak ah hmun cu yaw hta aih ci!

SAM 124:7

Kha cuung ciah cuun ungka phyawng ciah kha ah mäih ah, mikmi cu mi phyawng ci nei. Cuun cu hnget sei, mikmi cu mi lawt ci nei!

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.