HEBRU 11:33 - Cho Bible Common Language 2016

³³ Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

HEBRU 11:33 Referans Kwoze

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

HEBRU 11:17

Khanpughi naw Abraham ah yum nak am nüm nak ung, Abraham naw a hta Issak küikyan nak ah a ap cu yum nak ah kyak ci. Abraham cu Khanpughi naw a shaitaak püi ah chang tumat ah a kyak ung phi, tumat bäng ah a htapa cu ap ge khai ah pawng ci.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

SAM 144:10

Nang naw ghangpughang gui am näng nak pe ne, na changshäm David cu na gung ci.

SAM 91:13

Nang naw phongkawng gui la k’phyu ng’hlui gui, kawng hta gui la k’phyu m’äm ah gui cu na kho awn güt ne na kai nak khai nei.

SUKI GUI 4:1

Ehud a sih kawn ah Israel chang gui cu Bawipa hnu ng’tuk püi u ne, sheka ba ci gui.

1 SAMUEL 12:4

Chang gui naw, “Ka, nang naw kä na na m’hleei gui man ci, kä na na yawshe na gui man ci; nang naw a u ah ka, a i phi kä na la man ci,” cik ci gui.

2 SAMUEL 8:15

David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.

2 SAMUEL 10:12

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

JAMES 2:18

Cun ung phi chang tumat mat naw, “Chang tumat ung yum nak om ci, ahei tumat ung hnünthawh nak om ci,” cine, a kyak law ung, Kei naw “Hnünthawh nak kä om ciah yum nak cu nam hnuh vä, kei naw ka hnünthawh nak awn ka yum nak cu ka ning m’hnuh gui khai nei,” cine ka pyein khai.

1 GHANGPUGHANG GUI 13:28

ani cu k’se ng’cum ne hteit neta, prophet ah a pum cu lam ung ng’yän sei, a pei ah ng’se om ci, phongkawng phi ng’düi lä sei hmuk ci. Phonkawng naw chang phi kä ei ci, ng’se phi kä lou ci.