HEBRU 11:29 - Cho Bible Common Language 2016

²⁹ Israel chang gui naw tuisen tuinu, kho kawng ah hteh ah mäih ah ami kah cu yum nak awn ah kyak ci. Cun ung phi Egypt chang gui naw, ami ak kah vü tu sangung ngami cu tuinu naw hteh gui yawp ci.

HEBRU 11:29 Referans Kwoze

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

SAM 78:13

Ani naw tuinu k’pai ne hteh sak gui ci; tui cu k’paang ah mäih ah ng’lim sak ci.

JOSHUA 2:10

Egypt khaw nami hteh taak yah ung, nami ma ah Tuisen tuinu Bawipa naw a kawi sak cu kami ng’yak ci nei. Jordan ah a kiangtäng ung Amorit ghangpughang hnih Sihon la Ok nami ngawn goi cun phi kami ng’yak ci nei.

SAM 66:6

Ani naw tuinu cu khaw kawng ah ng’lat sak sei, mi pupa gui naw tuinu cu khan ne hteit ci gui. Ani ah bi ah hmawk ah keimi kami yei ci.

NEHEMIAH 9:11

Na chang gui ah phäh ah nang naw tuinu kan ne lam na pyang ci, cun kawn ah m’dek hu ung na hteh sak gui ci. Ngami k’täm law gui cicu tui thuuk ung lut ci gui, tuinu hnawk ung lung a hniim ah mäih ah kyak ci.

PHYAWN NAK 14:22

Israel gui cu m’dek hu ung hteit ne, tui kaan ci gui, vang ah vei cu tui k’paang ah kyak ci.

PHYAWN NAK 14:27

Cun ah kya khäta Moses naw tuinu ah khan ah a kut hei shäng sei, khaw thaih ung tuinu cu a lon man ah yu long ba ci. Egypt chang gui cu tui ungka ami phyawn vai ah k’tha nak ci gui. Cun ung phi Bawipa naw tui ung shum gui ci.