HEBRU 11:27 - Cho Bible Common Language 2016

²⁷ Moses naw ghangpughang ah m’lungshe nak cu kä kyih ne, Egypt kho ungka ang düih law ba cu, a yum nak awn ah kyak ci. Ani naw mik awn kä hmuh ah Khanpughi cu hmuk ciah mäih ah hnu ah ng’hlah ba vai cu maa khenggeng ci.

HEBRU 11:27 Referans Kwoze

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

2 KORIN 4:18

Kei mi naw mik awn hmuh cu kä kami kheing ci, mik awn kä hmuh vah kami kheing ci. Mik awn hmuh cu a shängta khäng ne, Mik awn kä hmuh cu angtäi sei khäng ci.

HEBRU 11:1

Yumnak cicu ngaih u nak gui akcang ah dang lawk khai, kä hmuh hning gui akcang om ci gui, ciah ngaih gep nak ah kyak ci.

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.

PHYAWN NAK 11:8

Moses naw khüm nak ah ng’thu a pyen cu, ‘Na bawi gui ami van cu ka ma ah law ne kawp lawk khai gui, ka chang gui avan la ne ka hteh püi gui vai ah ngami naw na ng’paa law nak khai gui. Cun kawn ah kei cu ka hteit tuk khai” cik ci. Cun kawn ah Moses cu m’lungshe ne ghangpughang cu hteh tak ci.

PHYAWN NAK 4:19

Moses cu Midian ung a om sang ung, Bawipa naw ani am, “Egypt khaw ah hteit ba ä, nang ning ngawn hlük ci gui cu si yawp pyi ci gui nei.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

HEBRU 10:32

Zan ä kho hnüüp gui cu ngai ne shüm ba vä, cun yah ung nangmi cu Khanpughi ah ak dei nami hmuh kawn ah yaica nak akda nami gah ung phi, cun naw kä ning m’dimshum gui hlawt ci.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

1 KORIN 13:7

M’Hni nak ung hnu ng’hlah nak kä om ci; m’hni nak ung yum nak, ngaih ü nak la hniimgei nak cu kä ng’chei phung ci.

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

PHYAWN NAK 12:11

Ang ghit ah meh cu nami ei vai, a i ah kyasei ci ung dung hteit ge khai ah mäih ah suisa u ne, nami khaw ung phahnak ng’cum ne, nami kut ung shopawng nami kawh vai. Shin cu kei Bawipa nami na m’taam nak phyawn nak pawi ah kyak ci.

HEBRU 6:15

Abraham cu hniimgei ne om ne, Khanpughi ah shaitaak cu gah ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

LAMKTU 2:25

Ani ah mawng cu David naw: “Khanpughi cu angtäi seih ka hmuk ci; Ani cu kei ah pei ah om seih, kei cu ng’ä ai nak kä om ci.

MAKUH 13:13

Kei ah hmawk ah chang van naw nangmi cu ning gen gui khai, cun ung phi akhnu ah khüt sei düng ciah chang cu hun nak gah khai nei.

MAKUH 4:17

Cun ung phi cun ah ng’thu cu kä khäng htek ne a shäng hta bäng om ci. Acun ah ng’thu ah hmawk ah yaica nak la shedam nak ami bui awt law ung ang ghit ah ng’hlat ba ci gui.

MATTHE 24:13

Cun ung phi ak hnu ah khüt sei düng ciah chang cu hunphiawn nak gah khai nei.

SAM 16:8

Kei cu angtäi sei Bawipa ah ma ah ka om ci; ani naw na et sei, kei cu a i naw kä na k’hnün hlawt ci.

PHYAWN NAK 12:50

Israel chang gui ami van naw ngai u ne, Bawipa naw Moses la Aaron am thumkhän a pek goi ah mäih ah bik ci gui.

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.