HEBRU 11:23 - Cho Bible Common Language 2016

²³ Moses cu ami hta nak kawn ah cha thum ah kyong ung anu la apa naw ani thuh cu ani yum nak awn ah kyak ci. Ngahni naw kyom ciah ak hmawhta cu hmu ni netah, ghangpughang ah thu cu k’phleng vai ah kä kyik ci goi.

HEBRU 11:23 Referans Kwoze

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

PHYAWN NAK 1:16

Ani naw, “Hebru hnumi gui nami m’hta tu ah a kyak ung, pami ah ami hta ung nami ngawn vai, hnumi ah ami hta ung nami ghin sak vai” cik ci.

HEBRU 13:6

Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

LAMKTU 7:20

Cun yah cu Moses ami hta nak ah khin ah kyak ci, Moses cu ang htei ah kyom ciah ak hmaw hta ah kyak ci. Ani cu cha thum ung apa ah imah ami om püi ah kyak ci.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

SAM 118:6

Bawipa cu kei awn om ci, kei cu kä ka kyik khai; kei ah khan ah a u naw a i bi hlawt khai ang?

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 56:4

Kei cu Khanpughi ngaih u ne, kä ka kyik ci; A shaitak ah hmawk ah ka m’taam ci. Hniciim chang naw kei cu a i ah na ci hlawt khai aw?