HEBRU 11:13 - Cho Bible Common Language 2016

¹³ Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

HEBRU 11:13 Referans Kwoze

HEBRU 11:27

Moses naw ghangpughang ah m’lungshe nak cu kä kyih ne, Egypt kho ungka ang düih law ba cu, a yum nak awn ah kyak ci. Ani naw mik awn kä hmuh ah Khanpughi cu hmuk ciah mäih ah hnu ah ng’hlah ba vai cu maa khenggeng ci.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

ATÜNNAK 23:4

“Kei cu khin ah kya ne nami ng’lung ah ka om tuk ci; ka chu ka k’phuh nak vai khaw hmun na pe tu vä” cine pyen ci.

JOHAN 8:56

Nami pa Abraham cu kei ka law vai ah a khin hmu lawk khai kya ne yei ci, acun hmu tuk cang ci kya ne yeikyai ci,” ci na gui ci.

HEBRU 11:39

Ngami cu ami yum nak awn m’hlüngtai nak gah ci gui. Cun ung phi ngami cu Khanpughi ah shaitaak kä gah tuk ci gui.

EPHESIAN 2:19

Cun ah kyasei nangmi chang khui hei gui cu, chang heinu, thümnu m’donghman ah kä nami kya ba ci: keimi awn a täng ah Khanpughi ah chang, Khanpughi ah kiong khui chang ah nami kya pyi ci.

ROMAN 8:24

Mikmi cu ngaih u nak awn hun nak mi gah ci. Cun ah mi ngaih u cu mikmi naw kä mi hmuk ci, mi hmuh ah a kyak ung cun cu akcang ah mi ngaih u ah kä kyak ci. Mik awn hmuh ei cu a u naw ngaih u khai ang!

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

ROMAN 4:21

Khanpughi naw a shaitaak ah mäih ah bik khai cicu Abraham naw ak be ah yum ci.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

ATÜNNAK 49:18

Na hun nak cu ka ging ci nei, Bawipa.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

1 JOHAN 3:19

Cun ung mikmi cu Thu thuuk cu mi khäm ne, Khanpughi ah ma ah ngaih gep sei mi om khai.

MATTHE 13:17

Kei naw akcang ka pyein cu, profet gui la Khanpughi ah chang akda gui naw, nangmi ah mäih ah hmuh hlü u ne phi, kä hmuh hlawt ci gui, nangmi ah ng’yak ah mäih ah ng’ya hlü ne phi kä ng’ya hlawt ci gui nei.

ATÜNNAK 49:33

Jakob cu a hta gui m’cäi gui yawp neta a ih phak ung ng’yän ba ne sik ci.

SAM 119:19

Kei shin ah khomdek khan ung ashäng hta ka om ci; Na thumkhän cu kei am kä na thuh en pe ä.

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

JOHAN 12:41

Isaiah cu Bawipa Jesuh ah bämang nak hmuh pyi ciah kya ne, ani ah mawng cu shin ah apyein ah kyak ci.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

ATÜNNAK 49:28

Shin gui cu Israel pakhui gha lei goi ah kyak ci. Shin cu ami pa naw a hta gui tumat ci ung ng’müi khai ah ng’thu pyen ne am cäi nak gui ah kyak ci.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

PHYAWN NAK 2:22

Ani cu pami hta ah hta ci. Moses cu amät ng’htau ne, “Kei cu shin ah khaw ung akhohei chang ah ka kyak ci, cun ah kyasei Kershon ah ang ming ka sui khai” cik ci.

TAIGÜTHUM 25:23

Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

2 KORIN 4:18

Kei mi naw mik awn hmuh cu kä kami kheing ci, mik awn kä hmuh vah kami kheing ci. Mik awn hmuh cu a shängta khäng ne, Mik awn kä hmuh cu angtäi sei khäng ci.

2 KORIN 5:6

Cun ah kyasei keimi cu kami k’tha mah ci. Mikmi cu pumsa im ung mi om yah ah chuih Bawipa ah im awn mi ng’shawng ci, cicu mi hmat ci.

HEBRU 11:14

Cun ah ng’kiaa ciah chang gui cu, ami mät ah k’chaw vai ah kho shui hnga ci gui ah ng’dang ci nei.

HEBRU 11:17

Khanpughi naw Abraham ah yum nak am nüm nak ung, Abraham naw a hta Issak küikyan nak ah a ap cu yum nak ah kyak ci. Abraham cu Khanpughi naw a shaitaak püi ah chang tumat ah a kyak ung phi, tumat bäng ah a htapa cu ap ge khai ah pawng ci.

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

ATÜNNAK 21:34

Abraham cu Philistia khaw ah akshou om tuk ci.

KHEI NAK 10:30

Hobab naw, “Ka, kei cu kamät ah khaw ah ka hteit ba khai nei” cik ci.