HEBRU 11:12 - Cho Bible Common Language 2016

¹² Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.

HEBRU 11:12 Referans Kwoze

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

ATÜNNAK 32:12

Nang naw shai na tak nak ung, a päng ung ka näng vai ah na m’htei ne, tuinu kem ah lai gin chü ah chang naw kä khei tai vai ah ka ng’shon khai ah na pyen pyi ci nei” ciah kyak ci.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

ATÜNNAK 15:5

Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

THU PHLAAN 20:8

m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.

1 SHONTÄP NAK 27:23

David ghangpughang naw akhokum kum’ku ah ka ung chang gui cu kä khei gui ci, a i ah kyasei ci ung Israel chang gui cu khankho ah aisi chü ah da khai gui ah pyang gui khai ah Bawipa naw shaitak a bi pyi ah phäh ah kyak ci.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

1 SAMUEL 12:5

Samuel naw pyen ba ne, “Kei chang ni akbe ah ka kiak, nangmi naw nami na hmuh nak ah mawng ung, Bawipa la aghü ah ghangpughang cu tuhngawi saksi ah kyak khai goi” cik ci. Ngami naw, “Ä, Bawipa cu mikmi ah saksi nei” cik ci gui.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

JOSHUA 11:4

Ngami cu ami gakap avan ci awn lawk ci gui, gakap gui cu tuikem ah laigin chü ah da ci gui. Ngami ung sela gui la yatha gui phi akda om ci.

THULÄÄN NAK 28:62

Nangmi cu khankhomik ung aisi chü ah nami da law pang ung phi, api vah nami pawih ba khai. A i ah kyasei ci ung nangmi naw Bawipa nami Khanpughi cu kä nami läk ci.

THULÄÄN NAK 1:10

Bawipa nami Khanpughi naw khawmik ung aisi chü ah ning da sak gui ci nei.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

HABAKKUK 1:9

“Ngami ah gakap gui cu kyih vai ah näng nak awn ma law u sei, chang van naw kyih gui khai nei. Ami pha ah chang gui cu laigin chü lawk khai gui.