HEBRU 11:1 - Cho Bible Common Language 2016

¹ Yumnak cicu ngaih u nak gui akcang ah dang lawk khai, kä hmuh hning gui akcang om ci gui, ciah ngaih gep nak ah kyak ci.

HEBRU 11:1 Referans Kwoze

2 KORIN 5:7

Mi ghin nak ung yum nak cu ak tung ah kyak ci, mik awn hmuh nak cu ak tung ah kä kyak ci.

2 KORIN 4:18

Kei mi naw mik awn hmuh cu kä kami kheing ci, mik awn kä hmuh vah kami kheing ci. Mik awn hmuh cu a shängta khäng ne, Mik awn kä hmuh cu angtäi sei khäng ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

SAM 27:13

A shui ah ka ghin yah ung Bawipa ah ni nak hmuh vai ah ka ghing khai ciah ka hmat ci nei.

HEBRU 11:27

Moses naw ghangpughang ah m’lungshe nak cu kä kyih ne, Egypt kho ungka ang düih law ba cu, a yum nak awn ah kyak ci. Ani naw mik awn kä hmuh ah Khanpughi cu hmuk ciah mäih ah hnu ah ng’hlah ba vai cu maa khenggeng ci.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

HEBRU 10:39

Mikmi cu hnu ah ng’hlat ba ne chükmaih ciah chang ah kä mi kiak ci, yum ne hun nak gah ciah mi kyak ci.

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

1 KORIN 13:13

Ak tung ah pyein ung yum nak, ngaih u nak, m’hni nak ciah ng’täi ci mawng thum om ci; cun gui ung m’hni nak cu ak hlüngtai pi ah kyak ci.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

2 KORIN 11:17

Tuhbäi ka khähghah cu Khanpughi ah ng’yak hlü ah kä kyak ci, ak gu ah mäih ah kei naw khähghah ne ka ng’thu ah kyak ci.

2 KORIN 9:4

Kei awn a täng ah Macedonia ah chang gui cu law tu u ne, kä nami ng’sheitawn cu, ami ning hmuh law gui ah a kyak ung, nang mi bäng kä nami ng’aa khai, kami ning ngaih gep gui ah phäh ah kaimi phi ka mi ng’aa khai nei.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.