HEBRU 10:38 - Cho Bible Common Language 2016

³⁸ Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

HEBRU 10:38 Referans Kwoze

KALATIAN 3:11

A u chang phi Thukhän awn Khanpughi ung düng nak kä gah ci, ci cu dang ci, a i ah kyasei ci ung, cacim ung, “Zum nak awn Khanpughi ung düng ciah chang cu, ghing ne om khai.”

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

HABAKKUK 2:4

Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

SAM 85:8

Bawipa Khanpughi ah ng’thu cu kei naw ka ngai ci nei; ani naw a chang gui, mikmi ah khan ah dim deeih nak shaitak ci nei, mi shetkat nak lam ah kä mi ng’hlat ba khai nei.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

MATTHE 13:21

Cun ung phi ng’thu ni cu ngami ah m’lung kyong ung kä khäng htek ci, ashäng hta bäng gawk ne om ci. Ami dou ah ng’thu ni ah hmawk ah yaica nak la shedam nak ami aut law ung, acun vai-am ng’hlat ba ci gui.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

EZEKIEL 3:20

Akcang ah changnitumat naw shetkat nak a bi law ah a kyak ung kei naw khüi kha nak ung ka thun khai, nang naw ng’thu kä nak na k’bäi ung, ani cu sik khai. Ani cu a katnak ah phäh ah sik khai-ani naw akni abi gui man cu kei naw kä ka shüm ba khai-ani ah sih nak cu nang am ka ning ma na sak khai.

1 THESSALONIAN 2:15

Cun ah Jew chang gui cu Bawipa Jesuh la profet gui ngawn u ne, keimi nak dukdeiu na gui ci gui ah kyak ci.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

SAM 5:4

Nang cu cheishoh nak yei nak ciah Khanpughi ah kä na kyak ci; Ak she phung na ma ah kä na hmu hlük ci.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

EZEKIEL 33:13

Kei naw changniam ghin nak ah mawng shai ka tak khai, cun ung phi ani naw a bi gui phi ani nak cu bä khai ah ngai neta, tün ne shüm pe ba khai. Ani cu katnak a bi ah phäh ah sik khai.

HEBRU 10:39

Mikmi cu hnu ah ng’hlat ba ne chükmaih ciah chang ah kä mi kiak ci, yum ne hun nak gah ciah mi kyak ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

2 SAMUEL 22:22

Kei naw Bawipa ah thukhän ka läk ci; Khanpughi kä ka ng’hlah tak ci.