HEBRU 10:33 - Cho Bible Common Language 2016

³³ Nangmi cu chang ah ma ah päipih shedam nak nami gah ci, cun ung phi päipih shedam nak gah lawk ci a om ung nami m’gein tuk ci.

HEBRU 10:33 Referans Kwoze

1 KORIN 4:9

Ami ngawn vai ah ami phaa ah gaa cu, phak ci gui chang khli ah ng’nawng nak ung ak hnu bäih ah ami hteh sak gui ah mäih ah, khankho chang la hnicim chang gui naw ami na teng gui vai ah, keimi ang düihpüi gui cu Khanpughi naw ak hnu bäih ah nam düih gui ciah ka ngai ci nei.

PHILIPPIAN 4:14

Cun ung phi kei ka yaica yah ung nang mi naw nami nam htei cu ang htei ah bä ci nei.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

1 THESSALONIAN 2:14

Phäi nau gui aw, nangmi ah bui awt ah mäih ah Bawipa Jesuh Khrit ung om ci gui ah Judea kho ah Khrithabum gui cun phi, bui awt tuk ci gui nei. Nangmi cu nami mät ah kho chang gui naw ami ning k’dukdeiu nak gui ah mäih ah, ngami cun phi Jew chang gui naw dukdeiu na gui ci gui nei.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

SAM 74:22

Tho law, Khanpughi, na mät ah mawng cu shung vong ä! Ak hnüüp tä sei changshe gui naw ami ning gaih m’gin cu shüm hmat ä.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

2 KORIN 12:10

Kei cu Bawi Khrit ah hmawk ah tha ken nak, ghingshe nak, geinvai nak, k’dudei nek, la tüihtok nak gui ka aut ung phi, kei cu kak tha a ken yah ung kak thamah ba pi ci nei.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

NAHUM 3:6

Nang cu gup shoh nak ning pe ne, Thüi nak awn ka ning uk khai. Chang gui naw ning shemshai ne ning päipih Khai gui.

SAM 89:51

O Bawipa, na ga gui naw na ghü ah ghangpughang cu shedam nak ci gui nei! Ani cu a hteh nak päng ah shedam nak ci gui nei.

SAM 79:12

Bawipa, changpakhui gui naw nang ung ng’lih khai ah ami ning shedam nak cu ak chih vei ah thung ba gui ä.

SAM 71:7

Kei ah ka ghin nak cu chang aka ah ng’thei nak vai ah kyak ci. A i ah kyasei ci ung nang cu khäng ciah ka shung nak ah kyak ci.

SAM 69:9

Na pum im kyong ah ka khawihnah nak naw mei ah mäih ah na ui ci nei; nang ami ning päipih nak phi kei ah khan ah gawk lawk ci nei.

HEBRU 12:4

Nangmi cu shet katnak ung ng’tuk nami bi nak ung, sih nak ah m’lawi ung kä nami gawk pha hnga ci nei.