HEBRU 10:31 - Cho Bible Common Language 2016

³¹ Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

HEBRU 10:31 Referans Kwoze

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

LUKA 12:5

Nami kyih vai cu ka ning m’thein gui khai, ngawn netah mä m’htei ah tüi hning ci, huham mah ciah Khanpughi cu nami kyih vai nei, ka pyein cu nami yun vai, kyih vai cu ani bäng om ci nei.

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

SAM 90:11

Na m’lungshe nak ah huham akbe a u naw hmat thei ne ang? Na ngetngawng nak naw a i hlawk ah kyih vai law püi hning ci cicu a u naw hmat ne ang?

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

LUKA 21:11

A kho päng ung ak nuipai ah shihpi ah thüng nak, ei awk ah maih nak, gawpyam ah ng’peeih nak gawk lawk khai. Kyihkyawk cäicat gui vai khankho ah dang lawk khai.

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

LAMKTU 13:11

Nang cu a tuk bäi Khanpughi naw ning m’di sei na mik m’dauh khai, khokum ak shou khohni kä na hmu tu ba khai,” cine tam ci. A cun vai am k’ce Elimas cu amik le naw shung ne mü sei, a kut ung k’pang ne khah tu püi khai cu shui yap ci.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.