HEBRU 10:28 - Cho Bible Common Language 2016

²⁸ Moses ah thukhän kä läk ciah chang tumat cu hnih thum saksi sei, akat nak ang dang ah a kyak ung, m’gein nak kä om sei sih nak pek ci gui nei.

HEBRU 10:28 Referans Kwoze

HEBRU 2:2

Mi pupa gui am khankho chang gui awn a yuk peit law ah ng’thu cu akcang ah kyasei, cun ah thu kä läk ne kä ngai ciah chang cu m’kat nak gah khai ah a kyak ung,

THULÄÄN NAK 19:15

“Saksi tumat bäng naw chang tumat ah beilei kä dang sak ci. Chang tumat shei shoh ciah k’bäi nak vai ah saksi aken pi ung hnih hlü ci.

2 KORIN 13:1

Tuhbäi kei cu ak thum vei nak ah nangmi ah ka lawk khai nei. Cacim naw, “Amawng ama phung cu chang hnih thum a saksi ung vah m’khoichaa vai” ciah pyein ci.

JOHAN 8:17

Nangmi ah thukhän ung saksi hnih naw a kawng ät ah ani pyein cu akcang ah kyak ci,” ciah om ci.

MATTHE 18:16

Cun ung phi ani naw nang ah thu kä ang ngaih ah a kyak ung, na thu pyein ang düng vai ah cacim ung om ciah mäih ah, saksi tuk khai chang hnih thum na khü tu vai.

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

THULÄÄN NAK 19:13

Ani am chimgein nak kä nami m’dang en vai. Shin ah chang ngawn nak cu Israel ungka naw nami nawt heng vai. Cun ung a päng avan cu nangmi ung nik khai.

KHEI NAK 15:36

Cun ah kyasei chang bum ami van naw ani cu shaum pigaw ah akpung ah hteh püi u neta, Bawipa ah thumkhän ah mäih ah lung awn vawi ne ngawn ci gui.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

ROMAN 9:15

Khanpughi naw Moses am, “Kei naw ka chimgein hlü cu ka chimgein khai, Kei naw kam hteihtang hlü cu kam hteihtang khai,” cine kyak nak ci.

JEREMIAH 13:14

Kei naw ngami a hmaw ang vai, hlüng gui ng’khawng ne ami pazat ah mäih ah ka ci gui khai. A i chi hna nak m’gein sei chimgein nak naw phi ngami ka ngawn nak gui cu kä m’düm sak hlawt khai.”

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

2 SAMUEL 12:9

A i ah kyasei kei ah thumkhän kä na läk ang? A i ah kyasei shin ah akshe na bi ang? Nang naw Uriah cu ng’tuk nak ung na ngawn ci; Ammonit gui am na ngawn sak gui ci, cun kawn ah ak chu nak chu nak ci!

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.