HEBRU 10:27 - Cho Bible Common Language 2016

²⁷ Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

HEBRU 10:27 Referans Kwoze

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

MATTHE 13:50

Caang ne ng’ai ciah mei ung htawm khai gui. Cun gui cu kyap ne m’lau ne ami ha htui ne geinvai khai gui.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

NAHUM 1:2

Bawipa Khanpughi naw ani ng’längna püi cicu kä M’düm ci. Ani naw ani hnungtuk püi ci cu m’kyuk ci. A m’lungshe nak awn thung ba gui ci.

JAMES 5:3

Nami ghui ngui gui ung phi hnai kai pyi ci nei, cun ah hnai cu nangmi ning hnu ng’tuk püi gui ciah saksi ah kya ne, nami sa cu mei ah uih ah mäih ah ui ne, ning ei gui khai nei. Shin ah ak hnu bäih ah hnüüp gui ung nang mi cu, m’cun m’hnai ne, bühmang vai nami tha na ba ci maa?

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 13:42

Caang ne ng’ai ciah mei ung k’htawm gui khai. Cun ah chang gui cu kyap ne m’lau ne, ami ha htui ne gein vai khai gui.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

JOEL 2:30

“Kei naw cun ah hnüüp ung khomik la khomdek ung thukbäi cu ka pek khai; si long ne, mei ui ne, khongmei khu khai.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

DANIEL 5:6

Ani cu a hmai ng’ham sei kyikyawk ne, am khuuk phi ng’tum ci.

EZEKIEL 38:19

Kei naw angdang ah ka pyen cu, cun ah hnüüp ung kei ah ka m’lungshe nak ah ang ling naw Israel khaw cu aknui ah shipi ah thüng sak khai.

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

SAM 21:9

Ang dang law hnüüp ung ani naw mei cang ah mäih ah kya ne m’di gui khai. Bawipa naw am lungshe nak awn m’zaw gui sei, mei naw phi kiawm shi gui khai.

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

LUKA 21:26

Khomdek khan ah kho ah shet nak a gawk law vai hmat ciah chang gui cu, cäi ng’ä aih khai gui. Kho k’häu ung kumkü aisi gui cu thüng ne yong yawp khai gui.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LUKA 16:24

“Pa Abraham aw, kei cu nam gein ä, kei cu m’htei mei khui ung ang htei ah ka geinvai ci nei. Layarus naw a kut m’dawng awn tui tawk netah ka m’lei ung ana m’hteei tu vai ah ka om nak ah yuk tüi law” cine m’awi ne ng’khü ci.

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

JOHAN 5:29

ng’cim hmun ungka ami thawh ba nak vai ah a khin cu gawk khai nei; a om nik ci gui cu tho ba ne ghing ba khai gui, a om shek ci gui cu tho ba u ne phi shetkat nak gah khai gui nei.