HEBRU 10:20 - Cho Bible Common Language 2016

²⁰ Bawipa naw amät ah pumsa ah kyak ciah yihdung cu lim ne, lam thai, ghin nak ah lam cu nak hmawn pe gui ci.

HEBRU 10:20 Referans Kwoze

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 10:9

Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.

HEBRU 9:3

Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.

HEBRU 9:8

Shin ah a mawng ung Mumcha Theing naw ang dang ah am theithang nak cu, ak pung ah phung a om ah chuih Hmun Theing Säih ah hteh nak vai ah lam kä ng’hmawng ci, ciah kyak ci.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

JOHAN 10:7

Bawipa Jesuh naw a pyein ba mä cu,” Kei naw akcang ka pyein cu, kei cu hto gui ah luh nak m’kawt ah ka kyak ci.

1 JOHAN 4:2

Khanpughi ah Mumcha ah a kyak la kä a kyak nami hmat nak vai ah mawng cu; Bawi Jesuh Khrit cu hnicim chang ah ng’tüi ne yu kyum lawk ci, ciah ng’kiaa ne yum ciah chang phung cu, Khanpughi ah Mumcha gah ciah kyak ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

LUKA 23:45

Taigüim kyong ah ami yai ah yih phi hnih ah teek ne ng’chak ci.

MAKUH 15:38

Acun vai-am pum im kyong ah ami yai ah yih cu vang mawng ah kaa vang mawng ah khüt khai ah hnih ah teek ne ng’chak ci.

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

EPHESIAN 2:15

Cun kawn ah Jew chang gui ah thukhän shaitaak gui cu nawng-en ne, Jew chang gui la chang khui hei gui cu, amät ung kawng ät sak gui ne, pakhui thai ah kyak sak gui ci. Acucha ah dimdeeih nak cu a peit gui ah kyak ci.

TAIGÜTHUM 21:23

Cun ung phi pumsa ung kä küm ciah chang läi cu, theing ciah yihdung pei ah kä a law vai, sonkiang ah pei ah phi kä a ng’et vai. Shin ah theingcim ci gui cu ani naw kä ang lat sak en vai, a i ah kyasei ci ung kei cu Bawipa, kei naw ka theingcim sak ci.”

TAIGÜTHUM 16:15

Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.