HEBRU 10:15 - Cho Bible Common Language 2016

¹⁵ Cun kawn ah Mumcha Theing naw phi saksi ana peit nak gui ung ak htükbäih ah,

HEBRU 10:15 Referans Kwoze

HEBRU 3:7

Cun ah kyasei Mumcha Theing naw a pyein cu, “Khanpughi ah k’aw Nangmi naw tuhngawi nami ng’yak ah a kyak ung kä nami ling keng vai,

THU PHLAAN 3:6

“Khrithabum gui-am, Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

THU PHLAAN 3:22

“Khrithabum gui-am Mumcha naw am thein gui cu nami hnga a om ung ngai ne ng’ya vä!

THU PHLAAN 3:13

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei!

THU PHLAAN 2:29

“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

HEBRU 9:8

Shin ah a mawng ung Mumcha Theing naw ang dang ah am theithang nak cu, ak pung ah phung a om ah chuih Hmun Theing Säih ah hteh nak vai ah lam kä ng’hmawng ci, ciah kyak ci.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

2 SAMUEL 23:2

Bawipa ah mümcha cu kei ung ng’thu pyen ci; Ani ah ng’thu cu kei ah m’lei ung om ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

JOHAN 1:15

Johan naw ani ah mawng ng’shä ne a pyein cu, “Kei naw ka pyein man ah chang cu ani nei, ani cu kei ah hnu ah lawk ci, cun ung phi kei ah hlüngtai pi ci, a i ah kyasei ci ung ani cu kei kä ka ng’tüi pha ung ng’tüi pyi ci.