HEBRU 10:11 - Cho Bible Common Language 2016

¹¹ Jew taigü pängpäng naw ak hnüüp tä sei, apeitaak vai la am ghuthaa vawihpeh vai cu bik ci; cun ung phi cun ah ghuthaa nak naw cheishoh nak cu kä nawtpet hlawt ci.

HEBRU 10:11 Referans Kwoze

HEBRU 10:4

A i ah kyasei ci ung sei ah si la me ah si naw cheishoh nak cu kä nawtpet hlawt ci nei.

HEBRU 5:1

Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.

KHEI NAK 28:3

Shin gui cu Bawipa am pek vai ah ei-douthak gui ah kyak ci: a hnüüp tä lüng ciah htome m’ca hnih,

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

ISAIAH 1:11

Ani naw, “Nangmi naw k’pang ne kei am nami douthak al khawihnah nak a vim cu kei naw ka ng’ya hlük ciah nami ngai ne ma? M’khih ne nami khawihuah nak ah htome la nami setme akni pi gui ah thau vata, bä pi ci kei ung om ci nei. Vantang gui, htome gui la me ah si gui cu kei naw kabawung na pyi cinei.

HEBRU 10:1

Jew thukhän gui cu be ci la bekhüt ciah akcang gui ah kä kyak ci: gawk lawk khai ah nikiom nak gui ah püpüi gui ah kyak ci. Thukhän ah ciah akum täi sei küikyan nak cu bi ah kiak ci. Cun ung a i hawkcha ah thukhän naw, Khanpughi ah lawk ciah chang gui cu, kümbe sak gui khai aw?

DANIEL 12:11

A hnüüptä khawihnah nak ang düm nak khin cu kyihkyawk shemshai nak ah akhin ung tün ci, cun ung hnüüp 1290 ng’pyi khai.

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

DANIEL 9:21

Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

DANIEL 8:11

Khankho gakap gui ah manghta phi k’taap ne, ani am a hnüüptä ami douthak phi ng’düm sak ci.

EZEKIEL 45:4

Cun cu khaw avan ung a theingcim nak ah hmun ah kyak khai. A Taigüim ung Bawipa ah bii bik ciah taigü gui ah hmawk ah kyak ci. Cun ah akyong ung taigü gui ah im gui om ne, Taigü gui ah hmawk ah kyak ci. Cun ah akyong ung taigü gui ah im gui om ne, Taigüim ah hmun om hnga khai.

KHEI NAK 29:6

Cha ät ah a hnüüp ät hnüüp k’be nak ah bi man ah ah nami bi vai, a hnüüp tä m’khih ne douthak nak cu htang-douthak nak la sapyit tui-douthak nak awn a täng ah nami bi vai, a hnüüp tä m’khih ne douthak nak cu htang-douthak nak la sapyit tui-douthak nak awn a täng ah nami bi vai. Shin ah ei-douthak nak gui cu Bawipa naw a yeikyai nak ah kyak ci.

KHEI NAK 28:24

A cun ah mäih ah hnüüp chih ung Bawipa am ei-douthak nak cu nami bi vai, cun ah ng’ui cu ani naw yeikyai nak ci. K’be nak ah a hnüüp tä sei, m’khih ne douthak nak la sapyit tui douthak nak cu nami bi vai.

PHYAWN NAK 29:36

A hnüüp tä ung vantang hta cu khawihnah nak ah douthak vai, cun ung katnak cu ning m’geinsei khai, a shin naw sonkiang cu theingciim sak khai. Cun kawn ah a theingcim nak vai ah olive situi awn na shawi vai.

MIKHAH 6:6

Khankho Khanpughi khawihnah vai ah lam ung a i nimä ka law püi kaw? Akbä pi seipat hta cu mei ung m’khih ne ap vai ah ka law püi vai aw?

HEBRU 8:2

Bawipa cu a theingcim nak säih ung Taigü Tung ah kya ne bi bik ci, cun ah hmun cu chang ah cawh ah kä kyak ci, Khanpughi ah pian ah phung akcang ah kyak ci.

HEBRU 8:4

Ani cu m’dek khan ung a om ah a kyak ung taigü ah kä kya hlawt khai, a i ah kyasei ci ung, thukhän awn, peit vai gui cu, ap ciah taigü gui ami om pyii ah hmawk ah kyak ci.