HEBRU 1:8 - Cho Bible Common Language 2016

⁸ Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

HEBRU 1:8 Referans Kwoze

JOHAN 10:30

Kapa la kei cu tumat ah kani kyak ci” cik ci.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

SAM 145:13

Na uknak cu ng’täi ci, kho ng’län ung ghangpughang ah na kyak ci. Bawipa cu a shaitak ung bekhüt ci; a hnünthawh nak phung ung chimgein nak om ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

1 KORIN 15:25

Khanpughi naw gaa gui avan tu ne m’shiu ne, a kho kaa ah a gawk sak ung khüt sei Bawi Khrih naw a van uk khai.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

SAM 99:4

M’gäi ciah ghangpughang, nang naw düng nak la nikiom nak cu na law püi ci.

THULÄÄN NAK 2:37

Cun ung phi Ammonit gui ah khopäng pei ah keimi kä kami hteit ci, Tuinu Jabbok ah kem khaw-gui ung gawnu gui, a hei im hmun ung phi Bawipa kami Khanpughi naw kä kami hteh vai ah ana thumkhän nak gui phung ung kä kami hteit ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

JOHAN 10:33

Ngami naw, “Akni nabi ah phäh ah kami ning vawih hlü ah kä kyak ci, nang cu chang ah kya lang ne, Khanpughi ah ng’shei ne nang thu ah phäh ah kami ning vawi khai” cik ci gui.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

JEREMIAH 38:15

Kei naw m’shang ne, “Kei naw akcang ka ning m’thein ah a kyak ung nang naw sih nak na na pek khai, kei naw ka ning m’cäi m’ä ch a kyak ung nang naw a i ah kü na na sui khai’ ka cik ci.

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

SAM 72:7

Düng ciah ah chang cu a ghin yah ung bämang sä, cha a vai ah chuih bühmang sä.

THULÄÄN NAK 7:14

M’dek ah khan ung a u chang phi nangmi ah mäih ah bühmang ciah hriham pek nak kä om khai. Nangmi a u phi, nami vuhchah a i phi, shing cu kä om khai.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

LUKA 1:75

Cun ah kyasei mikmi cu theingcim nak la düng nak awn Khanpughi ah ma ah mi ghin nak chuih mi om khai.